Shit-blerja e votave/ Tabaku: Janë në panik pasi e dinë që do humbasin

23 Prill 2021, 14:31, Politikë CNA

Kandidatja për deputete në Tiranë , Jorida Tabaku është shprehur se PD ka një program të qartë ku ka në qendër të saj qytetarët dhe problemet e tyre dhe sipas saj, e kundërta ndodh me PS.

Tabaku tha se PD ka ofruar zgjidhjen e problemit ndërsa PS nuk ka ofruar asgjë.

“Po bëjmë përgatitjet e fundit për procesin e votimit. PD është përpjekur të flasë me qytetarët për programin dhe zgjidhjet, ne kemi forcuar paketë të qartë për grupet e diskutuara. Kam takuar qindra njerëz që kam diskutuar për zgjidhjet. Shqiptarët janë lodhur nga sharjet, baltosja, shqiptarët na kërkojnë të ndryshohet ekonomia. Ata na kërkojmë që të punojmë për fëmijët e tyre. Qytetarët na kanë vlerësuar sepse kemi ofruar normalitetin, ndërkohë nga krahu tjetër ka vetëm arrogancë, ka ekip me drejtorë të korruptuar.”, tha ajo.

Më tej, në nj intervistë për News 24 Tabaku ka folur edhe mbi fenomenin e shit-blerjeve të votës dhe shprehet se kjo gjë ndodh sepse kryeministri Edi Rama e di që me 25 prill do të largohet.

?Çështjet që ne kemi ngritur dhe janë ndërkombëtare kanë ndodhur në Shqipëri. Rasti i Dibrës është flagrant, ku u gjet një makinë me para dhe karta ID. PD po fiton dhe ata po bëjnë maksimumin për të blerë vota. Fryma e njerëzve që takoj është e jashtëzakonshme, dëgjoj të rinj që bëjnë Shqipërinë online dhe do të votojë, ka njerëz pafund që do të votojnë. Ka punonjës administrate që thonë do të votojmë, nga mësues, punonjës policie. Kam marrë mesazhe nga punonjës të Bashkisë Tiranë ku iu ka thënë të mos votojnë. Bandat që kanë cënuar rendin dhe sigurinë, dosja e Dibrës dhe e Durrësit është e vërtetë, ngjarjet e fundit po e konfirmojnë këtë. Këta janë përpjekjet e fundit të PS.”, u shpreh Tabaku./CNA.al