web counter
LEXO PA REKLAMA!

SHKARKO APP

App Store
Google Play

E fundit!

x

Tentativat për shitblerje votash/ Rrëfehet Bilbil Dervishi, mesazh qytetarëve

23 Prill 2021, 19:12, Politikë CNA

Kandidati i PSD-së për deputet në Shkodër, Bilbil Dervishi, ka reaguar lidhur me rastet e denoncuara së fundmi në media për shitblerjen e votës.

Në një prononcim për CNA.al, Dervishi tha se ka patur raste sporadike të tentativave për shit-blerje votash, teksa përmendi rastin e militantit të LSI-së.

?Ka patur raste sporadike të tentativave për shit-blerje votash dhe më shumë qarkullojnë thashetheme për këtë gjë. Në Pukë para disa ditësh është ndaluar dhe arrestuar një militant i LSI-së, të cilit i janë gjetur një shumë parash dhe dokumenta që provonin shitblerjen e votës dhe është arrestuar?, u shpreh ai, ndërsa tregoi objektivat e PSD-së.

?Qëllimi ynë është që të përfaqësojmë zgjedhësit tanë në institucionin më të lartë shtetëror, Kuvendin e Shqipërisë me një nivel të lartë professional, duke çuar atje problematikat e tyre dhe rekomanduar në kohën sa më të shkurtër zgjidhjen e tyre, nëpërmjet krijimit të grupit parlamentar dhe pjesëmarrjes në qeveri.

Objektivat kryesore të PSD për në fund të mandatit të qeverisjes: paga minimale të jetë 40000 lekë, pensioni social të jetë 10000 lekë, paga minimale e punonjësve të administratës së shtetit të jetë 50000 lekë, ndërsa paga minimale e punonjësve të policisë të jetë 60000 lekë. Të ulet niveli i pagesës për vazhdimin e studimeve të larta për shtresat në nevoje si edhe të kompesohen ato për shfrytëzimin e internetit apo ambjentet e ndërtesës. Këto sigurisht do të arrihen nëpërmjet pjesëmarrjes në qeveri?, deklaroi kandidati për CNA.al.

Gjithashtu, Dervishi dha edhe një mesazh për qytetarët kur kanë mbetur vetëm dy ditë nga zgjedhjet parlamentare.

?Mesazhi ynë për zgjedhësit është që të votojnë PSD, nr. 1 në fletën e votimit dhe zgjedhësit e qarkut Shkodër të votojnë nr. 4 në rreshtin e parë të fletës së votimit, Bilbil Dervishi, pasi shansi na ka favorizuar që të jemi të parët duke lehtësuar edhe zgjedhësit për një votim shumë të thjeshtë. Këtë gjë ta bëjnë me ndërgjegje të pastër dhe me besim të plotë se duke votuar PSD kanë votuar për të mirën e vendit dhe ardhmërinë e tyre?, përfundoi ai./ CNA.al

Fushata zgjedhore/ Bilbil Dervishi: Partitë i janë shmangur platformave të mëdha





Lajmet e fundit nga