web counter
LEXO PA REKLAMA!

SHKARKO APP

App Store
Google Play

“Meta nuk ka parë gjë akoma”/ Rama: Presidenti, turp kombëtar

23 Prill 2021, 18:24, Politikë CNA

Kryeministri Edi Rama gjatë mitingut përmbyllës të mbajtur në Vlorë është shprehur se të dielën vlonjatët do i tregojnë shqiptarëve dhe posaçërisht Ilir Metës se nuk ka parë asgjë akoma.  Ai e quajti Metën turp kombëtar.

Rama tha se nëse qytetarët do t’i japin një mandat tjetër do të bëjë 12 herë më shumë për Vlorën dhe për të gjithë Shqipërinë.

?Vlonjatët në datë 25 prill do ti tregojnë gjithë shqiptarëve dhe sidomos atij turpi kombëtar që quhet president që nuk ka parë asgjë akoma. Kur më pyeti një ditë Damiani dhe më tha ore spo e marr vesh na mbeti Likja në Vlorë i thashë është ajo puna e derës së xhamisë, dhe në 25 prill vlora do ia lëri përgjithmonë historisë, atë, Saliun, Lulin dhe Monikën që për 30 vjet na janë qepur pas si fantazmat e së shkuarës. Ne ende nuk e kemi bërë atë transformim, që duam ta bëjmë.

Vlora e ka udhëhequr dhe do ta udhëheqë gjithmonë këtë transformim që po merr formë në të gjithë Shqipërinë.  Sot Vlora flet me pamjen e saj, me ndryshimin e saj që vazhdon dita-ditës, flet me numrin e kaq shumë sipërmarrjeve të vogla që hapen muaj pas muaji, flet me entuziazmin tuaj. Sot ju them juve vlonjatëve, ju e keni në dorë nëse në 25 prill juve më jepni mua dhe PS 9 mandate unë po ju them që në 4 vitet e ardhshme do bëjmë 12 herë më shumë për Vlorën se ç?kemi bërë në këto 2 mandate që po i mbyllim. 12 herë më shumë dhe kur të vijë dita që të jenë zgjedhjet e pas 4 viteve, unë do vij këtu dhe atje në ekran do pasqyrohet kjo që thashë sot, dhe Vlora e pas 4 viteve do jetë 12 herë më e mirë dhe më e bukur seç është sot.?, u shpreh Rama./CNA.al





Lajmet e fundit nga