web counter
LEXO PA REKLAMA!

SHKARKO APP

App Store
Google Play

E fundit!

x

A u përpoq shërbimi sekret të fshihte incidentin me armë të djalit të presidentit amerikan?

28 Mars 2021, 07:26, Blog CNA

A u përpoq shërbimi sekret të fshihte incidentin me armë të djalit të presidentit amerikan?

Nga Monica Showalter ?Amerikan Thinker?

Shumëkush mund të çuditet kur lexoi se Hunter Biden, djali narkoman i presidentit Joe Biden, hyri në Shtëpinë e Bardhë me një armë që nuk duhej ta kishte? Në fakt, rezulton se ai veproi akoma më keq.

Mesa duket shërbimi sekret u përpoq që ta mbulonte skandalin. Ja cili ishte lajmi i ardhur nga një raportim i mirë investigativ nga Tara Palmeri dhe Ben Shrekinger të ?Politico.com?. Më 23 tetor 2018, djali i presidentit Joe Biden, Hunter dhe bashkëshortja e tij Holli, u përfshinë në një incident të çuditshëm, gjatë të cilit kjo e fundit mori armën personale të Hunter dhe e hodhi atë në një kosh plehrash pas një dyqani ushqimesh. Ajo u kthye më vonë, por nuk e gjeti dot atë.

Policia e Delauerit nisi menjëherë hetimet, e shqetësuar se koshi i plehrave ndodhej përballë një shkolle të mesme, dhe se arma e zhdukur mund të përdorej në ndonjë krim, sipas zyrtarëve të zbatimit të ligjit, dhe një kopje të raportit të policisë të konsultuar nga ?Politico.com?.

Por në atë kohë ndodhi diçka tjetër interesante. Agjentët e shërbimit sekret shkuan tek pronari i dyqanit ku Hanter e kishte blerë armën, dhe kërkuan të marrin dokumentet e shitjes. Pronari i dyqanit të armëve që i njihte mirë ligjet, u tha se kërkesa ishte e paligjshme, pasi një kërkesë të tillë mund ta bëjë vetëm Byroja e Alkoolit, Duhanit dhe Armëve të Zjarrit.

Ndaj ai refuzoi që t?u dorëzonte dokumentet. Në atë kohë, ai dyshonte se arma mund të ishte përdorur në ndonjë krim, dhe se shërbimi sekret po përpiqej të shtinte në dorë dokumentet në mënyrë që të fshihte pronësinë e Hanter Biden mbi armën.

Kjo gjë është e mundur, duke pasur parasysh përgjigjen nervoze të Hunter Biden gjatë një pjese të mëvonshme të hetimit, kur policia e shtetit të Delauerit po përpiqej me dëshpërim që të gjente armën e vërtetë, e cila ishte zhdukur kur Holli u përpoq ta rimerrte atë nga koshi i plehrave.

Kur një oficer policie e pyeti Hunterin nëse arma ishte përdorur në ndonjë krim, oficeri kujton sipas raportit se Hunter ?u acarua shumë me mua, dhe më pyeti nëse isha duke u përpjekur që ta nxirrja nga binarët?.

Në një pjesë tjetër të hetimit, Biden u tha policëve se Holli e kishte hedhur armën në plehra pranë shkollës së mesme, pasi mendoi se Hunter do ta përdorte armën për të vrarë veten, hipotezë që është gjithashtu e besueshme.

Në fund arma u gjet kur një burrë që mbledh materiale të riciklueshme, deklaroi se e gjeti atë gjatë kërkimeve të tij orëve të natës, dhe ua dorëzoi autoriteteve. Megjithatë, mohimi nga Hanter i përdorimit të drogës në formularin që mbushi për të blerë armën, përbën një vepër penale nëse është i rremë, edhe pse rrallë ndiqet penalisht.

Tre vjet më parë, ai ishte shkarkuar nga një post i privilegjuar si një oficer i marinës, pikërisht për shkak të përdorimit të kokainës. Ndoshta ai ka arritur të heqë dorë nga droga. Por posta elektronike e vitit 2018, e gjetur në laptopin e tij të braktisur, sugjeron që mbase ai nuk e ka bërë këtë.

Sipas ?Daily Mail?:Në një tjetër komunikim të vitit 2018, Hanter Bajden fton një mik në hotelin ?Hollywood Roosevelt? në Los Anxheles, duke thënë se aty ka një ?suitë kabana? dhe ?po feston si një yll roku idiot?.

Holli mund ta ketë hedhur pistoletën në kosh për disa arsye. Ne mund të spekulojmë se nuk është e pazakontë të kesh frikë nga një narkoman, alkoolist ose abuzues i substancave të tjera, duke pasur parasysh konsumimin emocional të partnerit. Por sigurisht, mund të ketë qenë edhe diçka tjetër.

Sjellja e papërgjegjshme e Hanter dhe Hollit në këtë incident me armë, është një shembull se përse disa njerëz nuk duhet të mbajnë armë. Por sjellja e shërbimit sekret, është akoma më e rëndë. Shërbimi sekret mohoi t?i kishte kërkuar ndonjëherë pronarit të dyqanit të armëve dokumentet e shitjes, pasi sipas tyre nuk kishte asnjë arsye për ta bërë atë.

Një zyrtar anonim i zbatimit të ligjit, i cituar nga ?Politico.com?, e ndryshoi më vonë qëndrimin e shërbimit sekret, duke thënë se agjentët po vepronin ndoshta privatisht.

Ai përmendi një shembull në 2019, kur zyra e shërbimit sekret i telefonoi policisë së shtetit të Delaurit për t?u marrë me sigurinë për një paraqitje publike të Biden. Shërbimi sekret e mohoi edhe këtë pretendim, gjë që ngre pikëpyetje në lidhje me fshehjen e të dhënave. Fshehja është aspekti më shqetësuese i kësaj ngjarje. A mundet që dikush ta ketë mbuluar Hunter Biden, pas një vargu ngjarjesh që tregojnë një mbajtje të papërgjegjshme të armës? Vështirë të jetë kështu.

Nëse do të binte në duar të gabuara, ajo armë mund të kishte çuar ndonjë masakër në ndonjë shkollë të mesme. Pra mbulimi i Hunter, është mbrojtja e tij nga çdo përgjegjësi e mundshme. Por ka edhe një problem tjetër.

A është shërbimi sekret, zyrtarisht jopolitik, i fokusuar në fakt në mbrojtjen personale të figurave politike, por aktualisht më shumë në mbulimin e skandaleve demokratëve? Nëse shërbimi sekret nuk mund të jetë dot jo politik, mbase është koha që në Shtëpinë e Bardhë të vendoset një tjetër agjenci e mbrojtjes./ CNA.al

https://www.americanthinker.com/blog/2021/03/did_the_secret_service_attempt_to_cover_up_a_gun_incident_with_hunter_biden.html





Lajmet e fundit nga