LEXO PA REKLAMA!

SHKARKO APP

Denoncon Kryemadhi/ Mësuesit e vaksinuar kanë pasur probleme, të hetohet menjëherë

17 Mars 2021, 20:06, Politikë CNA

Kryetarja e Lëvizjes Socialiste për Integrim, Monika Kryemadhi, ka bërë një denoncim pak më parë, teksa po fliste lidhur me vaksinën e AstraZeneca, që tashmë ka ardhur edhe në Shqipëri.

Kryemadhi tha se mësuesit kanë refuzuar ta bëjnë vaksinën, ndërsa pretendon se dhe ata që e kanë bërë kanë pasur probleme shëndetësore.

Për këtë gjë ajo kërkoi gjatë një interviste në Euronews Albania që Prokuroria të fillojë menjëherë hetimet.

?Prokuroria të fillojë një hetim të menjëhershëm, se ka shumë mësues që jo vetëm nuk kanë pranuar ta bëjnë vaksinën por edhe ata që e kanë bërë kanë pasur probleme?, tha Kryemadhi.

Ndërkohë, autoritetet shëndetësore nuk kanë dhënë informacione për shqetësime të personave të vaksinuar me AstraZeneca.

Sakaq, kujtojmë se Komiteti i Imunizimit dhe Vaksinimit mori vendim që vaksina e AstraZeneca të vijojë të injektohet në Shqipëri, ndonëse disa shtete e kanë ndaluar./ CNA.al

Lajmet e fundit nga