web counter
LEXO PA REKLAMA!

SHKARKO APP

App Store
Google Play

U kundërshtuan nga SHBA/ KQZ regjistron Tom Doshin për zgjedhjet e 25 prillit

17 Mars 2021, 18:49, Politikë CNA

Komisioni Qendror i Zgjedhjeve ka regjistruar si kandidat për deputet në zgjedhjet e 25 prillit Tom Doshin. Vendimi është marrë në mbledhjen e sotme të KQZ, ku i është hapur zyrtarisht rruga Doshit për të garuar në zgjedhjet parlamentare.

Sipas Komisionerit Shtetëror Zgjedhor, Ilirjan Celibashi, dokumentacioni i dorëzuar në KQZ nga kjo forcë politike është konform legjislacionit në vend.

“Në të gjitha rastet kur nga dokumentacioni i kandidimit, apo dhe nga të dhënat e tjera publike KQZ merr indice për hetim të thelluar ne do ta bëjmë për këdo kandidat. Ne do të fillojmë kur të jetë rasti do të bëjmë procesin e hetimit, së pari do kërkojmë informacione nga Prokurori i Përgjithshëm”, tha Celibashi.

Pas vendimit ka reaguar edhe përfaqësuesi i PD në KQZ, Ivi Kaso.

?Kandidatët e PSD barazohen me procedimin penal, edhe në këtë rast ku faktet janë të njohura publikisht, duhet të merren në konsideratë nga KQZ, nuk duhet të ekzistojnë një vendim penal në shqipëri, por një vendim jashtë territorit të shqipërisë, që këto raste të trajtohen me seriozitet dhe të mbahet i njëjti qëndrim nëse vërtetohet një rast penal në shqipëri. Subjektit nuk i lind e drejta për tu regjistruar?, u shpreh ndër të tjera Sekretari për Çështjet Zgjedhore në PD, Ivi Kaso.

Moskandidimin e Tom Doshit, i shpallur ?non grata? nga Sekretari Amerikan i Shtetit, e ka kërkuar disa herë ambasadorja e SHBA, Yuri Kim, e cila ka përsëritur thirrjet drejtuar partive politike për lista të pastra.

?Ndërsa autoritetet zgjedhore të Shqipërisë përgatisin zgjedhjet, ia vlen të kujtohet ky njoftim, i bërë nga Sekretari Amerikan i Shtetit pas shqyrtimit të kujdesshëm të informacioneve të marra. Sigurisht, votuesit shqiptarë meritojnë më shumë se kaq?, shkruante në një reagim të sajin në Twitter më 8 shkurt ambasadorja Kim./CNA.al





Lajmet e fundit nga