web counter
LEXO PA REKLAMA!

SHKARKO APP

App Store
Google Play

E fundit!

x

Dekriminalizimi/ Kandidatët e PS me emra të ndryshuar dhe të dënuar

17 Mars 2021, 18:20, Politikë CNA

Kandidatët për deputetë, të cilësdo parti politike kanë detyrim ligjor të plotësojë formularin e dekriminalizimit, në të cilin të deklarojnë nëse kanë ndryshuar ose jo gjeneralitetet dhe nëse kanë pasur precedent penal të mëparshëm.

Për personat që dënuar, ligji i dekriminalizimi u ndalon kandidimin në proceset zgjedhore, qofshin këto për kryetar bashkie apo për deputetë.

Komisioni Qendror i Zgjedhjeve ka pritur së fundmi formularët e dekriminalizimit për kandidatët e PS-së ku vihet re se disa prej tyre kanë deklaruar probleme që kanë pasur me ligjin.

Konkretisht bëhet fjalë për Halim Dauti, i treti në listën e Partisë Socialiste në qarkun e Kukësit. Për këtë person rezulton se është dëbuar nga Anglia në vitin 2013, për arsye emigracioni.

Po ashtu edhe kandidati i parë i PS-së në Dibër Lavrim Krrashi ka pasur të dhëna të tjera dhe ka përdorur edhe emrin Haki Marina.

Edhe në listën e Durrësit, Artan Bitri, i 10-ti i PS-së në këtë qark ka deklaruar emrin e mëparshëm Ergi Bitri. I dëbuar nga Napoli në Itali, ku ka marrë eskpuls 2002-2012. Në Elbasan, Shkëlqim Bullari, kandidati i 12 i PS ka deklaruar se ka përdorur më parë emrin Jorgo.

Në këtë qark edhe Ilir Ndraxhi që renditet  i pesti në listë, i cili ka deklaruar se ka ndryshuar vetëm mbiemrin, ku më herët e ka pasur Nraxhi.

Petro Koçi, i cili aktualisht është zv.ministër i Mbrojtjes renditet i dyti në listën e Fierit. Në formularin e dekriminalizimit, Koçi ka deklaruar se ka ndryshuar emër emrin, ku më parë e ka pasur Petraq si dhe është ndaluar nga policia në 20 janar 1997 në qytetin e Fierit për grumbullime të paligjshme.

Kosta Garo, që është kandidat për deputet në Gjirokastër dhe renditet i pesti ka deklaruar se ka ndryshuar emrin, ku më parë e ka pasur Ilir./CNA.al





Lajmet e fundit nga