Studimi/ Njerëzit që nuk merren me ushtrime fizike, gati 2 herë më të rrezikuar nga depresioni

15 Nëntor 2020, 07:41, Blog CNA

Njerëzit që nuk kanë aktivitet fizik, kanë thuajse 2 herë më shumë gjasa të bien në depresion, dhe janë 60 për qind më të rrezikuar nga ankthi, paralajmëron një studim i ri. Në një studim 7-vjeçar me më shumë se 150.000 britanikë, studiuesit në Mbretërinë e Bashkuar gjetën një lidhje midis nivelit të ulët të aktivitetit fizik, dhe problemeve të ndryshme të shëndetit mendor.

Ekspertët e vënë theksin tek rëndësia e aktivitetit fizik gjatë izolimit për shkak të koronavirusit, siç është ngritja e peshave dhe vrapimi i përditshëm, për të parandaluar depresionin dhe ankthin. Depresioni dhe ankthi,lidhen nga ata e tyre me një rrezik të rritur nga problemet e shëndetit fizik, përfshirë një shpeshtësi më të lartë të sëmundjeve kardiovaskulare dhe vdekjes së parakohshme.

Strategjitë e shëndetit publik për të zvogëluar çrregullimet e zakonshme mendore, mund të përfshijnë kombinimin e aktiviteteve aerobike, thonë ekspertët që kryen studimin. ?Ne kemi siguruar prova të mëtejshme të një marrëdhënie direkte midis shëndetit fizik dhe atij mendor, dhe se një aktivitet fizik i strukturuar, është pozitiv jo vetëm për shëndetin tuaj fizik, por gjithashtu mund të sjellë përfitime të shëndetit mendor?- thotë autori i studimit Aron Kandola nga University College London.

Raportet se njerëzit nuk janë aq aktivë sa dikur ishin shqetësuese, aq më tepër tani që bllokimet globale për shkak të pandemisë, kanë mbyllur palestrat dhe e kanë kufizuar kohën që njerëzit po kalojnë jashtë shtëpisë.

?Aktiviteti fizik, është një pjesë e rëndësishme e jetës sonë, dhe mund të luajë një rol kryesor në parandalimin e çrregullimeve të shëndetit mendor?- thonë ata. Ndërkohë, studime të tjera kanë zbuluar se vetëm disa javë ushtrime të rregullta intensive, mund të sjellin përmirësime thelbësore në gjendjen tuaj fizike.

Hulumtimi në fjalë përfshiu 152.978 pjesëmarrës të moshës 40-69 vjeç dhe u krye nga?Biobank?. Ky studim afatgjatë synonte të hetonte kontributin e gjeneve dhe mjedisit në zhvillimin e problemeve shëndetësore.

Forma aerobike e pjesëmarrësve në fillim të periudhës së studimit, u testua duke përdorur një biçikletë të palëvizshme me rezistencë në rritje, ndërsa u mat edhe aftësia muskulore.

Pjesëmarrësit plotësuan gjithashtu edhe një pyetësor që vlerëson simptomat e depresionit dhe ankthit.

Shtatë vjet më vonë, pjesëmarrësit u testuan edhe një herë për depresionin dhe simptomat e ankthit, por studiuesit qëllimisht nuk i testuan sërish për aftësinë e tyre fizike. Shkaku i kundërt ndodh kur një faktor që mendohej të ishte efekti i një faktori tjetër, është në të vërtetë shkaku.

Kështu për shembull, në vend se ushtrimet e pakta fizike të shkaktojnë një shëndet mendor më të dobët, vetë shëndeti i ulët mendor mund të sjellë pasjen e një aktiviteti fizik të dobët. ?Ky model i studimit, do të thotë që ne mund ta rregullojmë analizën tonë për shëndetin mendor fillestar, dhe të zvogëlojmë rrezikun e shkakut të kundërt, pra mundësinë që njerëzit me shëndet të dobët mendor të kenë më pas një gjendje të dobët fizike?- shprehen më tej studiuesit.

Ata zbuluan se një gjendje e lartë aerobike dhe muskulore në fillim të studimit,lidhej me shëndet më të mirë 7 vjet më vonë. Njerëzit me aftësinë më të ulët aerobike dhe muskulore kishin 81 për qind më shumë shanse për të pasur ose ankth ose depresion, krahasuar me ata që kishin një fizik më të stërvitur.

Studiuesit llogaritën edhe faktorët potencialisht si dieta, statusi socio-ekonomik, sëmundjen kronike dhe simptomat e sëmundjes mendore. Studimet e mëparshme kishin zbuluar se njerëzit që ushtroheshin më shumë, kishin më pak të ngjarë të përjetonin sëmundje mendore. Shumica e studimeve mbështeten tek njerëzit që vetë-raportojnë nivelet e tyre të aktivitetit, të cilat mund të jenë më pak të besueshme, sesa masa objektive e aftësisë fizike që është përdorur për studimin e ri.

?Gjetjet tona sugjerojnë që inkurajimi i njerëzve për t?u ushtruar më shumë mund të ketë përfitime të gjera të shëndetit publik, duke përmirësuar jo vetëm shëndetin tonë fizik, por edhe shëndetin tonë mendor?- tha autori i studimit dr Zhozef Hajes./ Përshtati në shqip CNA.al