E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Covid-19/ Gati 1 në 3 pacientë, humbin shumë flokë pas shërimit

9 Nëntor 2020, 07:55, Blog CNA

Disa pacientë të shëruar nga koronavirusi, mund të përjetojnë qëndrueshmëri të disa simptomave për një kohë të gjatë. Ata vuajnë nga format e Covid-it të zgjatur në kohë, për
të cilat ka tashmë prova të ndryshme.

Disa të dhëna të reja nga një grup dermatologësh italianë, shtojnë edhe një simptomë tjetër, për fat të mirë kalimtare:rënia e dukshme e flokëve. ?Më shumë se 30 për qind e njerëzve të prekur nga Covid-19, raportojnë humbje të mëdha të flokëve?- thotë Bianka Piraçini, pedagoge në Universitetin e Bolonjës. Tani për tani është vetëm një dyshim, ndërsa të dhënat më të plota, pritet të japin një panoramë më të qartë. Gjithsesi, të dhënat në Itali janë në përputhje me ato të raportuara nga media e vendeve të tjera. Për shembull në një artikull të fundit në ?New York Times?. Humbja e flokëve është e përkohshme, dhe zakonisht nuk bien të gjitha, si mund të ndodhë gjatë disa trajtimeve anti-tumorale.

Nuk ka studime se përse ndodh kjo gjë, por vetëm raporte dhe sondazhe mbi pacientët që kanë pasur një Covid-19 me simptoma, dhe që pas shërimit tregojnë se janë prekur nga kjo simptomë. Nuk është hera e parë që një simptomë e lidhur me koronavirusin, nis të merret në konsideratë pikërisht në bazë të të dhënave të mbledhura nga mjekët.
Kjo gjë ndodh pasi Covid-19 është një infeksion krejtësisht i ri, dhe mbi të cilin njohuritë plotësohen me kalimin e kohës. Një rast i ngjashëm përfshinte dregëzat në gishtat e fëmijëve, një simptomë e njohur që nga mesi i prillit të këtij viti, mbi të cilin më pas u bënë studime, që e konfirmuan atë dhe problemet e tjera dermatologjike të lidhura me koronavirusin. Por rënia e flokëve nuk ishte diskutuar ende.

?Në këtë rast, raportet e para datojnë që nga qershori dhe vijnë nga e gjithë bota. Ne në Bolonja, kemi krijuar një task-forcë, të drejtuar nga dr.Mikela Staraçe, që po koordinon shkencëtarët nga e gjithë bota për të regjistruar të gjitha rastet e humbjes së flokëve pas infeksionit me Covid-19, me synim gjetjen e një shpjegim?– thotë Piraçini.

Problemet, thonë dermatologët, shfaqeshin pasi pacienti e kishte kapërcyer pozitivitetin ndaj koronavirusit. Rënia do të çonte në humbjen e rreth 100-200 qimeve në ditë, një dukuri që në zhargonin mjekësor quhet ?telogen effluvium akut?, gjatë të cilit pacienti ankohet për rrallimin e flokëve, pra një humbje më e lartë se sa norma (apo edhe të humbjeve që vërehen natyrshëm me ndryshimin e sezonit), mjaft e papritur, e cila sidoqoftë është e riparueshme.

Në shumicën e rasteve – rreth 9 nga 10 – rënia e flokëve ndodhi brenda 2-3 muajve nga shërimi. Një ndër hipotezat për ta shpjeguar këtë fenomen, është stresi fizik i lidhur me infeksionin Covid-19, veçanërisht në format më serioze. Pastaj është nën oksigjenimi, qëndrimi i zgjatur në shtrat, pasoja e rënies në peshë dhe terapia anti-koronavirus. Në rast se ju vetë keni rënie të ndjeshme të flokëve pas infeksionit me Sars-Cov-2, është mirë të konsultoheni me një mjek specialist. Në artikullin e ?New York Times?, përmendet një sondazh i kryer në SHBA.

Sipas tij, një numër i madh pacientësh vazhdojnë të shfaqin disa simptoma. Dhe më shumë se 400 nga rreth 1.500 pjesëmarrës të shëruar tashmë nga Covid-19, raportuan humbje të pashpjegueshme të flokëve./Përshtatur nga CNA.al