E fundit!

12:33 Aktualitet

Përfundojnë homazhet për Enea Mekollin/ Përcillet për në banesën e fundit

Kanë përfunduar homazhet për efektivin e policisë, Enea Me...

Vetëm testimet masive, do t’i japin fund shpejt pandemisë së Covid-19

7 Nëntor 2020, 08:03, Blog CNA

Nga Reda Cherif, Fuad Hasanov& Michael Mina ?Health Affairs?

Gjatë 6 muajve të fundit, studiuesit në mbarë botën kanë zhvilluar vaksina dhe kura kundër Covid-19, me disa nga vaksinat kandidate që janë në provat e tyre përfundimtare. Por gjetja e një vaksine të sigurt dhe efektive nuk është e sigurt, dhe deri atëherë, bota do të pësojë një dëm të madh njerëzor dhe ekonomik.

Për shkak të pandemisë, bota ka humbur tashmë triliona dollarë në të ardhura, dhe më shumë se 1 milionë njerëz. Për më tepër, nëse bota do të goditej nga një pandemi tjetër, ajo nuk do të ishte gati. Ne argumentojmë që përballë këtyre rreziqeve, kërkohet urgjentisht një përpjekje e gjithanshme për të ngritur një infrastrukturë universale të testimit.

Teknologjia për të zhvilluar teste të shpejta, të përshtatshme dhe të lira tashmë ekziston. Prodhimi i këtyre testeve në shkallën e nevojshme mund të arrihet shpejt, dhe kostoja vjetore do të jetë minimale në krahasim me koston e vetë pandemisë. Testimi i 10 për qind të popullsisë së një vendi çdo ditë, do të ndalonte pandeminë, dhe kostoja direkte e pandemisë (në kushtet e humbjes së prodhimit, dhe një pakete stimuluese fiskale në vitin 2020 ), do të kompensohej nëmë pak se një muaj. Dy nga ne kanë botuar kohët e fundit një dokument pune të Fondit Monetar Ndërkombëtar, duke argumentuar se në mungesë të një vaksine, një politikë universale e testimit dhe izolimit, është rruga më e mirë për t?i dhënë fund më shpejt pandemisë, duke lejuar rimëkëmbjen e ekonomive dhe rikthimin e jetës normale.

Ne tregojmë se testimi duhet të jetë i vazhdueshëm dhe periodik (pra të testosh tashmë të njëjtën popullatë), për të mbajtur nën kontroll epideminë. Numri i testeve të nevojshme varion midis 5-10 për qind të popullsisë çdo ditë, në varësi të strategjisë së miratuar.
Testet e përshtatshme, të cilat mund të bëhen nga shumica në shtëpi (si për shembull, të ngjashme me testet e shtatzënisë), mund të jenë më pak të ndjeshme për të zbuluar molekulat virale në secilën mostër individuale.
Por nëse kryhen në një shkallë mjaft të madhe dhe shpesh ata do të kishin një ndjeshmëri më të madhe për të zbuluar njerëzit e infektuar, duke ndërprerë në këtë mënyrë edhe zinxhirët e transmetimit. Testi më i saktë ai i antigjenit apo testimi në grup mund të kryhet në qendrat e kujdesit shëndetësor.

Miratimi i testimit ?të bazuar tek simptoma?, dhe izolimi i pacientëve për shkak të simptomave të lidhura më të(për shembull, nga matja e temperaturës dhe nivelit të oksigjenit në gjak), mund të zvogëlojë ndjeshëm numrin e testeve të nevojshme.
Por si do të funksiononte një ndërhyrje e tillë? Ne besojmë se ajo duhet të bazohet në parimet e asaj që ne e quajmë ?Politika e Vërtetë Industriale? (TIP), që qëndron pas suksesit spektakolar të ekonomive të tilla si Koreja e Jugut dhe Singapori. Këto parime përfshijnë vendosjen e qëllimeve ambicioze, ndërtimin e aftësive dhe përshtatjen e shpejtë, angazhimin e sektorit privat dhe sigurimin e mbështetjes së nevojshme duke siguruar përgjegjshmëri.

Konkretisht, TIP në këtë rast duhet zbatuar në 3 dimensione.

Objektivi:Për të zbatuar me sukses testimin universal, politikë-bërësit duhet të përqafojnë një objektiv të qartë dhe ambicioz, dhe të krijojnë një task forcë për të mbikëqyrur operacionet. Teknologji të ndryshme të testimit mund të përdoren njëkohësisht për të identifikuar dhe izoluar të infektuarin.

Në varësi të testeve të përdorura, një pjesë e madhe e popullsisë duhet të testohet çdo ditë (deri në 10 për qind e popullsisë për të zbuluar me shpejtësi vatrat, dhe një përqindje më e madhe e popullsisë nëse vetë testi është ndërhyrja e duhur që e ngadalëson përhapjen).
Kjo do të kërkonte një prodhim në shkallë të gjerë të tamponëve dhe të pajisjeve të mundshme të testimit dhe karantinës.

Institucionet: Task forca përgjegjëse për rritjen e prodhimit, do të përbëhej nga aktorë kryesorë në të gjithë agjencitë dhe nivelet qeveritare, së bashku me anëtarët e sektorit privat. Task forca do të zhvillonte takime të rregullta dhe do të zhvillonte shpesh komunikime me publikun.
Stimulimi dhe llogaridhënia: Zyrtarët duhet gjithashtu të japin stimuj për sektorin privat që të angazhohet në këtë përpjekje, dhe të kërkojë llogari për kompanitë, që marrin fonde shtetërore.

Shtetet mund të garantojnë kërkesën për teste përmes blerjes në avancë, duke nënshkruar marrëveshje për licencimin e pronës intelektuale, për të inkurajuar sa më shumë kompani të marrin pjesë në prodhimin e testeve.
Vendet e përparuara i kanë të gjitha parakushtet për të pasur sukses në këtë detyrë dhe për të mbështetur vendet e tjera. Krijimi i infrastrukturës së testimit, do të garantonte edhe një sigurim kundër pandemive të ardhshme. Deri në fund të vitit, shumë vende që zbatojnë këtë politikë mund të jenë pa koronavirusin e ri./Përshtatur nga CNA.al