web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet 3 Nëntorit, rrëzuan planin e demokratëve për ta shkatërruar Amerikën që njohim

6 Nëntor 2020, 07:25, Blog CNA

Nga Tucker Carlson ?Fox News?

Në shumë aspekte, nuk mund të kishte gjë më të keqe për këtë vend apo të ardhmen e tij, ajo që ndodhi mbrëmjen e së martës. Rezultati i zgjedhjeve tona presidenciale ishte fillimisht në dorën votuesve, aty ku i takon me të drejtë, dhe tani është në dorën e avokatëve dhe gjykatave – dhe burokratëve shumë partiakë dhe qartësisht të korruptuar të qyteteve të mëdha.

Pavarësisht se çfarë do të ndodhë më pas, kjo është një tragjedi. Shumë amerikanë nuk do t?i pranojnë kurrë më rezultatet e zgjedhjeve presidenciale. Kjo histori është ende në zhvillim e sipër, dhe ne do ta ndjekim atë me ndershmëri sa të mundemi dhe kudo që ajo të na çojë.
Por besojeni apo jo, përkundër gjithçkaje tjetër që ka ndodhur, ka edhe disa lajme të mira.

Joe Biden mban fjalim pas zgjedhjeve/ Jam besimplotë që do të fitojmë
Së pari, dhe më e rëndësishmja:Amerika që ne njohim është ende më këmbë. Dhe ky nuk ishte një përfundim i sigurt; ne për pak e humbëm atë.
Demokratët na thanë se donin të mposhtnin Donald Trump, ndaj për ta bërë këtë shpenzuan më shumë para se çdokush tjetër ndonjëherë në çdo palë zgjedhje në historinë e vendit. Demokratët nuk shfrytëzuan fuqinë e plotë të ?Big Tech?, kompanive të mëdha të teknologjisë, dhe shtresës së miliarderëve, vetëm për ta bërë president Xho Bajdenin. Jo, ajo që ata vërtet donin ishte kontroll i plotë mbi gjithçka. Të mos kishte më demokraci, as kundërshtime, dhe të kishte një bindje të përhershme nga ne qytetarët. Dhe ata gati e arritën këtë gjë. Nëse demokratët do të kishin fituar Shtëpinë e Bardhë dhe Senatin që të martën në mbrëmje, SHBA-ja siç ne e njohim nuk do të ekzistonte më.

Dhe jo sepse demokratët kanë ide të këqija (megjithëse i kanë disa), por sepse ata planifikuan të impononin një sistem krejtësisht të ri në vendin tonë. Jo një agjendë, por një sistem. Duke mos pasur asgjë për të kontrolluar fuqinë e tyre, e majta synoi të eleminonte plotësisht ekuilibrat tradicionalë amerikanë brenda qeverisë sonë, së bashku me Kushtetutën dhe Ligjin e të Drejtave që kufizojnë fuqinë e tyre. Dhe nuk po e ekzagjeroj që e them këtë gjë. Partia e Xho Bajdenit, planifikoi ta shndërrojë Gjykatën e Lartë federale në një armë politike. Ata e kanë pranuar vetë këtë gjë. Madje kanë shkruar shumë artikuj, se si planifikojnë që ta bëjnë këtë gjë.

Pastaj ata planifikuan të ndryshonin Kongresin e Shteteve të Bashkuara, degën legjislative, duke shtuar shtete të reja në unionin tonë, vetëm për të shtuar vendet e tyre në Senat. As për këtë nuk po spekuloj, pasi kjo gjithashtu është pranuar prej tyre. Pastaj ata planifikuan të ndryshonin vetë elektoratin – korrupsioni përfundimtar në një demokraci – duke shtuar brenda natës 20 milion shtetas të huaj në listat tona zgjedhore. Kjo ishte agjenda e tyre. Si do të përmirësonte Shtetet e Bashkuara të Amerikës ndonjë nga këto masa? Epo, ata nuk pretenduan kurrë se do të ndodhte diçka e tillë. Përmirësimi i këtij vendi, nuk ishte kurrë qëllimi i tyre. Çështja ishte të krijohej një shumicë e përhershme demokrate, në një shtet me një parti që ka nën kontrollin e saj të plotë gjithë popullsinë.

Asnjëherë në historinë tonë, asnjë parti politike nuk ka propozuar një agjendë më radikale sesa kjo. Ata nuk folën shumë për këtë gjë, dhe kjo e ka një arsye. Ata nuk donin t?i frikësonin amerikanët, e megjithatë ajo agjendë është krejtësisht e vërtetë.
Dhe të martën në mbrëmje, ishte shumë afër zbatimit të saj. Ne të gjithë duhet të jemi thellësisht mirënjohës që nuk ndodhi. Po jua tregojmë këtë, pasi duam të jemi të qartë mbi atë që ishte në lojë në këto zgjedhje. Kjo nuk është çështje mendimesh, dhe apo dallimi midis këtyre mendimeve. Dhe nuk ka të bëjë as me politikën. Bëhet fjalë për sistemin në të cilin jetojmë të gjithë, dhe që e qeveris këtë vend./Përshtatur nga CNA.al





Lajmet e fundit nga