E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Studimi/ Mutacioni i koronavirusit, mund ta ketë bërë atë më infektues

2 Nëntor 2020, 08:06, Blog CNA

Një studim që përfshin më shumë se 5.000 pacientë me Covid-19 në Hjuston të SHBA-së, zbulon se virusi që e shkakton sëmundjen, po grumbullon mutacione gjenetike, njëri prej të cilave mund ta ketë bërë atë më infektiv.

Sipas studimit të botuar në revistën e ?mBIO?, ky mutacion i quajtur D614G, ndodhet në proteinën në formë gozhde që garanton hapjen e qelizave tona ndaj virusit. ?Studimi thekson se virusi po pëson ndryshime për shkak të një kombinimi të lëvizjes neutrale – pra të ndryshimeve të rastësishme gjenetike që nuk e ndihmojnë apo dëmtojnë virusin – dhe presionit nga sistemi ynë imunitar?-thotë Ilia Finkelshtain, profesor i asociuar i bioshkencave molekulare në Universitetin e Teksasit në Ostin, dhe një nga bashkautorët e studimit.

Studimi u krye nga shkencëtarët e spitalit ?Houston Methodist?, Universitetit të Teksasit etj.

Gjatë valës fillestare të pandemisë, 71 për qind e koronavirusëve të rinj të identifikuar tek pacientët në Hjuston, e kishin këtë mutacion.
Kur vala e dytë e Covid-19 goditi Hjustonin gjatë verës, ky variant kishte ndihmuar në 99.9 për qind të rasteve të reja me koronavirusin. Dhe kjo pasqyron një tendencë të vërejtur në të gjithë botën. Një studim i botuar në korrik, i bazuar tek më shumë se 28.000 sekuenca gjenomike, zbuloi se variantet që mbartin mutacionin D614G, u bënë forma mbizotëruese globale e SARS-CoV-2 në rreth 1 muaj.

Por pse llojet që e përmbajnë këtë mutacion, janë me infektive se ato që nuk e kishin atë?

Një studim i më shumë se 25.000 sekuencave gjenomike në Britaninë e Madhe, zbuloi se viruset që kanë pësuar mutacione, kishin tendencën të transmetonin pak më shpejt sesa të tjerat që nuk kishin pasur ndryshime, dhe shkaktonin vatra më të mëdha infeksionesh.Përzgjedhja natyrore, ka favorizuar llojet e virusit që transmetohet më lehtë. Por jo të gjithë shkencëtarët janë të bindur për këtë gjë. Disa prej tyre kanë sugjeruar një shpjegim tjetër, të quajtur ?efektet e themeluesit?. Sipas këtij skenari, mutacioni D614G mund të ketë qenë më i zakonshëm tek viruset e para që mbërritën në Evropë dhe Amerikën e Veriut, duke u dhënë atyre në thelb një avantazh ndaj mostrave të tjera të virusit. Edhe proteina në formë gozhde që rrethon koronavirusin, po vazhdon gjithashtu të grumbullojë mutacione shtesë, dhe nuk dihet se sa rëndësi ka kjo gjë.

Ekipi i shkencëtarëve tregoi në eksperimentet laboratorike, se të paktën një mutacion i tillë e lejon proteinën që mundëson depërtimin e virusit në qelizat e njeriut, të shmangë një antitrup neutralizues, të cilin njerëzit e prodhojnë natyrshëm për të luftuar infeksionin me SARS-CoV-2. Kjo mund të lejojë që ky variant virusi, të shmangë më lehtë sistemin tonë imunitar./Përshtatur nga CNA.al