E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Studimi/ Sondazhet zgjedhore në SHBA janë vetëm 60 për qind të sakta

29 Tetor 2020, 07:24, Blog CNA

Sa i sigurt duhet të jeni mbi sondazhet zgjedhore? Sipas një studimi të ri të ?Berkeley Haas?, jo dhe aq i sigurt sa pretendojnë vetë kompanitë që i zhvillojnë sondazhet. Shumica e sondazheve zgjedhore raportojnë një nivel saktësie prej 95 për qind.

Por një analizë e 1.400 sondazheve nga 11 cikle zgjedhore në SHBA, zbuloi se rezultati përfundimtar përputhet me atë të sondazheve në vetëm 60 për qind të rasteve. Dhe për sondazhet që zhvillohen vetëm 1 javë para zgjedhjeve, saktësia bie akoma më tej.

?Nëse jeni të sigurt, bazuar tek sondazhet, se si do të dalin zgjedhjet e këtij viti në SHBA, mendohuni prapë?- thotë profesor Don Mur nga ?Berkeley Haas?. Sipas tij ka shumë e arsyeve pse rezultati final i zgjedhjeve, mund të jetë i ndryshëm nga sondazhi

Dhe mënyra se si anketuesit e llogaritin intervalin e besimit, nuk i merr parasysh këto gjëra. Shumë njerëz u habitën, kur presidenti Donald Trump e mundi Hilari Klintonin në vitin 2016, dhe pasi ishte gjithmonë pas saj në sondazhe. Disa spekuluan se sondazhet po bëheshin më pak të sakta, apo se zgjedhjet ishin aq të pazakonta, sa që përgënjeshtruan sondazhet.

Por Mur nuk gjeti prova të një saktësie në rënie në sondazhet e analizuara që nga viti 2008. Përkundrazi, gjeti pretendime të vazhdueshme të vetëbesimit nga ana e anketuesve. Në fakt, që të jenë 95 për qind të sigurt, anketuesit do të duhet të dyfishojnë kufirin e gabimit që ata raportojnë, qoftë edhe një javë nga dita e zgjedhjeve, theksohet në studim.

Ndërkohë në lidhje me sondazhet e këtij viti, studimi vuri re se kufiri i gabimit përmendej shpesh si një shtesë në fund të artikujt të ndryshëm. Pjesa më e madhe e studimeve mbi saktësinë e sondazheve, merr parasysh vetëm faktin nëse sondazhi e gjeti saktë fituesin.

Për të vlerësuar besueshmërinë e një sondazhit, studiuesit vendosën të hedhim një vështrim retroaktiv mbi sondazhet, bazuar në atë se sa kohë para zgjedhjeve ishin kryer ato, duke pasur në konsideratë nëse një kandidat kishte fituar ose humbur.

Për shembull, nëse një sondazh tregonte se 54 për qind e votuesve favorizonin një kandidat dhe kishte një kufi gabimi prej 5 për qind, sondazhi do të ishte e saktë nëse kandidati fitonte 49 për qind deri 59 për qind të votave, por do të ishte i gabuar nëse kandidati fitonte me më shumë se 59 për qind të votave (ose më pak se 49 për qind).

Mur shqyrtoi 1.400 sondazhe të kryera përpara zgjedhjeve presidenciale të viteve 2008, 2012 dhe 2016, si dhe zgjedhjet paraprake demokratike presidenciale në Ajoua dhe Nju Hempshajër nga viti 2008 në 2016-ën, dhe zgjedhjet paraprake të republikanëve në të njëjtat shtete nga viti 2012 në 2016-ën.

Për shkak disa sondazhe pyetën rreth kandidatëve të shumtë, kampioni përfshiu rezultatet e mbi 5.000 sondazheve, se si njerëzit thanë se do të votonin për kandidatë të veçantë, si dhe kufijtë e gabimeve. Duke analizuar sondazhet në grupe 7-ditore, ata gjetën një rënie të qëndrueshme të saktësisë, sa më larg zgjedhjeve kryhej sondazhi, dhe vetëm rreth gjysma rezultonin të ishin të saktë 10 javë para zgjedhjeve.

Dhe kjo ka kuptim, pasi mund të ndodhin ngjarje të paparashikuara, siç ishte për shembull deklarata e ish-drejtori i FBI-së Xhejms Komej, që njoftoi nisjen e një hetimi mbi postën elektronike të Klintonit, vetëm një javë para zgjedhjeve presidenciale të vitit 2016.

Megjithatë, shumica e sondazheve, madje edhe me javë të tëra, raportuan një interval standard të besimit prej 95 për qind nga ana e industrisë së sondazheve. Intervali i besimit, përcakton sasinë se sa i sigurt mund të jetë dikush, që grupimi i njerëzve të anketuar, pasqyron tërë popullatën e votuesve.

Për shembull, një interval besimi prej 95 për qind, do të thotë që nëse e njëjta procedurë e marrjes së mostrave do të ndiqej 100 herë, 95 prej atyre mostrave do të përmbanin popullatën e vërtetë të votuesve. Dhe këtu qëndron problemi.

Niveli i besimit merr parasysh ?gabimin në kampionim?, një term statistikor që përcakton se sa e mundur është që nga një rast i pastër, kampioni të ndryshojë nga popullata më e madhe e votuesve nga e cila u mor kampioni. Për shembull, mos-pasqyrimi i një grupimi mjaft të madh votuesish, do të rrisë gabimin e marrjes së mostrës.

?Njerëzit shpeshherë harrojnë se kufijtë e gabimeve tek sondazhet, kapin vetëm burimet statistikore të gabimeve?-thotë Dejvid Brukman, profesor i asociuar në Departamentin e Shkencave Politike në Universitetin e Berklit, Kaliforni./ phys.org–Përshtatur nga CNA.al