E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

A do të na“vjedhin” vërtet robotët vendet tona të punës?

28 Tetor 2020, 07:40, Blog CNA

Covid-19 po e ndryshon botën në disa mënyra. Disa ndryshime janë më të dukshme, si për shembull ato në marrëdhëniet shoqërore. Të tjerat më pak, sikurse është depërtimi i ngadaltë, por i paepur i teknologjisë në jetën tonë, për shkak të nevojës për të qëndruar në shtëpi.

Dhe është pikërisht teknologjia, protagonistja e raportit të fundit vjetor që parashikon të ardhmen e botës së punës, prezantuar nga Forumi Ekonomik Botëror. Sipas të dhënave, lidhur me 300 nga kompanitë më të rëndësishme në botë, të cilat punësojnë gjithsej rreth 8 milion njerëz, pandemia e ka përshpejtuar tranzicionin (tanimë të pashmangshëm) drejt automatizimit dhe digjitalizimit të punës.

Sipas parashikimeve, deri në vitin 2025, 85 milion vende pune do të humbasin në mbarë botën. Më të goditurit do të jenë punëtorët e fabrikave, dhe nëpunësit e zyrave që merren me administrim, kontabilitet dhe futjen e të dhënave.

50 me 50

Mbi 50 për qind e sipërmarrësve të intervistuar, thanë se synojnë të lehtësojnë automatizimin e disa roleve në kompanitë e tyre. Për 43 për qind të tyre, ky ndryshim do të sjellë disa pushime nga puna.

Nëse nga njëra anë miliona njerëz do të heqin dorë nga punët e tyre,që do t?i bëjnë tashmë kolegët?robotë?. Nga ana tjetër do të lindin 97 milionë punë të reja, duke e ndarë botën e punës thuajse në mënyrë të barabartë midis teknologjisë dhe njerëzimit.

Për t?u dalluar nga përsosmëria jo-kreative e makinave, do të kërkohen zakonisht edhe aftësi ?njerëzore?, si vendimmarrja, aftësitë menaxheriale dhe komunikimi. ?Në të ardhmen, kompanitë më konkurruese, do të jenë ato që kanë investuar më shumë mbi kapitalin njerëzor?-tha Sadia Zahini e Forumit Ekonomik Botëror.

Fillim nga e para

Punëtorët më pak të kualifikuar dhe më pak të paguar, do të preken më shumë nga ky ndryshim. Dhe për të mbijetuar në një ekonomi tashmë të drobitur nga kriza shëndetësore, ata do të duhet të fillojnë sërish trajnimet, për të marrë aftësi të reja.

Sipas raportit, e ardhmja do të sjellë një rritje të kërkesës për ekspertë në ekonominë e gjelbër (green economy), apo në cloud computing (teknologji që shfrytëzon internetin për të ndarë online nga distanca burimet softuer dhe harduer), në inteligjencën artificiale dhe në zhvillimin e produkteve të reja.

?Covid e ka përshpejtuar evolucionin e punës, duke i detyruar shumë njerëz të ri-shpikin veten e tyre, dhe të fitojnë para kohe aftësi të reja,për t?u përshtatur me kërkesat e vendeve të punës në të ardhmen?-thotë Hamon Ektiari, president i kompanisë ?FutureFit AI?./ CNA.al