Si votuan astronautët amerikanë nga hapësira?

4 Nëntor 2020, 07:20, Blog CNA

Për shkak të pandemisë së Covid-19, votimi në presidencialet e këtij viti, ishte i ndryshëm për shumë amerikanë sesa në vitet e kaluara, me një numër më të madh se kurrë më parë të fletëve të votimit të hedhura postë.

Por një amerikane mund të mburret me një përvojë vërtet unike të votimit. Astronautja Keit Rubins, që ndodhet që prej 14 tetorit në Stacionin Ndërkombëtar të Hapësirës, votoi nga hapësira një javë pasi hyri në orbitën e Tokës.

Gjatë një interviste dhënë për NASA-s në kuadër të 20-vjetorit të qëndrimit të njerëzve në Stacionin Ndërkombëtar të Hapësirës, ??Rubins e përshkroi kështu procesin e saj të votimit:?Është në fakt shumë i ngjashëm me procesin e votimit, nga ata që për një arsye

apo tjetrën nuk janë në shtëpi?- tha ajo në një lidhje me video.

Para nisjes, Rubins plotësoi një Aplikim Federal për Kartolinë (FPCA). FPCA është e ngjashme me aplikacionin e votimit, që kanë përdorur këtë vit shumë qytetarë amerikanë. Por ai përdoret posaçërisht për njerëzit që janë jashtë shtetit gjatë zgjedhjeve, sikurse është personeli i ushtrisë amerikane dhe familjet e tyre.

Edhe pse, në varësi të orbitës së stacionit hapësinor, Rubins nuk është teknikisht jashtë shtetit. Sipas NASA-s, shumica e astronautëve që votojnë ndërsa ndodhen në hapësirë, ??zgjedhin të votojnë si banorë të Teksasit, pasi zhvendosen në banim në Hjuston për t?u trajnuar, para se të nisë misioni i tyre.

Një ligj shtetëror i vitit 1997 i miratuar në Teksas, lejon votimin e ligjshëm nga hapësira, me një sistem votimi të krijuar enkas për astronautët që të votojnë me adresën ?Orbita e Ulët e Tokës?. Para se një astronaut të hedhë votën e tij, NASA duhet të provojë që fleta e votimit mund të plotësohet.

Nëpunësi i qarkut dërgon një fletë votimi provë në Qendrën Hapësinore Xhonson të NASA-s në Hjuston, dhe në një stacion hapësinor që vërteton përmes testeve kompjuterike nëse dikush është në gjendje ta plotësojë fletën e votimit, dhe ta kthejë atë sërish tek nëpunësi.

Nëse fleta e votimit e kalon provën, fleta e vërtetë kriptohet dhe i dërgohet astronautit në Stacionin Ndërkombëtar të Hapësirës. Nëpunësi dërgon bashkë më fletën edhe letrat kredenciale specifike për votuesin, që garantojnë sigurinë në hapjen e fletëve të votimit.

Më pas astronauti e plotëson atë në mënyrë elektronike dhe ia dërgon me e-mail nëpunësit të qarkut për ta regjistruar votën e tij. Ky i fundit ka një fjalëkalim, për t?u siguruar që të jetë ai personi i vetëm që mund të hapë e-mailin.

Ashtu si të tjerët në Tokë, një astronaut që voton duhet ta dërgojë votën e tij më e-mail para orës 7 të pasdites me kohën qendrore në Ditën e Zgjedhjeve, pasi vetëm kështu do të numërohet vota e tij. Edhe pse nuk është një pjesë zyrtare e procesit, Rubins e krijoi kabinën e saj të votimit në bordin e stacionit hapësinor.

Ajo hyri në kutinë e votimit që ka një shenjë të shkruar që thotë ?Kabina e Votimit ISS?, për të mos u parë nga anëtarët e tjerë të ekuipazhit të saj, dhe shkroi votën e saj me dorë. Kjo nuk është hera e parë që Rubins voton nga hapësira. Ajo ishte në Stacionin Hapësinor Ndërkombëtar edhe gjatë zgjedhjeve presidenciale të vitit 2016./ Përshtatur nga CNA.al