E fundit!

09:24 Kronika

Pjesë e grupeve kriminale/ Pritet ekstradimi i 6 personave të kapur në Dubai

Pritet të ekstradohen sot në Shqipëri 6 shtetasit e kapur ...

Zgjedhjet nuk do prodhojnë një president të fortë/ Trump dhe Biden të punojnë për bashkimin e Amerikës

5 Nëntor 2020, 07:26, Blog CNA

Nga Doug Schoen ?Fox News?

Ndërsa shkruaj, zgjedhjet presidenciale të vitit 2020 janë shumë afër përfundimit. Numërimi aktual i votave të Kolegjit Zgjedhor, favorizon ngushtë kandidati demokrat. Por ka ende shumë vota për t?u numëruar, dhe gara mund të ketë të papritura.
Rezultatet në disa shtete kanë ndryshuar, në disa të tjera gara është shumë e ngushtë. Ndaj sipas të gjitha gjasave, ne nuk do t?i dimë rezultatet e plota deri në fund të kësaj jave.

Sidoqoftë, pavarësisht se kush do të fitojë, qoftë ish-zëvendëspresidenti Xho Bajden, apo presidenti Donald Trump, do të kenë përgjegjësinë e madhe për të bashkuar një vend thellësisht të ndarë.
Asnjëri nuk do të ketë një mandat të qartë për të qeverisur në 4 vitet e ardhshme. Asnjëri nuk do të ketë një ratifikim të qartë të agjendës së tij. Dhe as nuk do të ketë një mandat të qartë për kontrollin e Senatit. Sido që të shkojnë gjërat, organi i lartë legjislativ ka të ngjarë të mbetet i ndarë në mënyrë të barabartë, me ndoshta një avantazh të ngushtë të republikanëve, apo ndoshta pa asnjë avantazh partiak.

Por sido që të jetë, në rast se duam që të vazhdojmë të lulëzojmë si komb, ne duhet të forcojmë ndjenjën tonë të qëllimit më të gjerë kombëtar. Asnjë tjetër nuk do të bëjë këtë veç ne amerikanëve. Në fakt, nevoja për një bashkëpunim ndër-partiak, nuk ka qenë kurrë më e madhe sesa sot.
Ne kemi nevojë, që presidenti ynë të jetë në gjendje të punojë me zyrtarët tanë të zgjedhur, për të miratuar një tjetër paketë të ndihmës ekonomike, për të adresuar pasigurinë ekonomike të amerikanëve dhe papunësinë e vazhdueshme prej mbi 8 për qind.

Ne kemi nevojë urgjente të arrijmë një lloj konsensusi, se si të përballemi kolektivisht me koronavirusin, sidomos tani që ka mbërritur vala e tretë e madhe e infeksioneve. Është absolutisht e domosdoshme që të kemi një mirëkuptim kombëtar, mbi mënyrën se si duhet të veprojnë amerikanët, çfarë trajtimesh funksionojnë, dhe deri ku jemi me afro 5 vaksinat e mundshme, që janë në faza të ndryshme të provave finale.

Për më tepër, na duhet një agjendë për të siguruar mbulimin e kujdesit shëndetësor për miliona amerikanë që e humbën atë gjatë pandemisë, dhe që tani u mungon, dhe njëherazi të mbrojmë miliona amerikanë që jetojnë me sëmundje kronike. Në mënyra të ndryshme, si Bajden ashtu edhe Trump kanë premtuar që ta arrijnë këtë gjë, por arritja vërtet e saj është sfida kryesore. Për më tepër, në skenën botërore, kushdo që të zgjidhet president do të duhet të artikulojë një vizion për vendin tonë si një fanar i lirisë dhe demokracisë në të gjithë botën.

Ndërsa bota i ndjek këto zgjedhje përkrah nesh, çështja se kush jemi ne si Shtetet e Bashkuara, ku po shkojmë, dhe si të përballemi me kundërshtarët tanë nëpër botë, mbetet një sfidë themelore. Nga ana tjetër, ne mund të dobësohemi përgjithmonë si komb, në mënyra që mund ta ulin në mënyrë të njëanshme aftësinë tonë për të adresuar problemet dhe sfidat tona, në SHBA apo në botë.

Së fundmi, pavarësisht nëse jemi republikanë apo demokratë, veriorë apo jugorë, të bardhë apo njerëz me ngjyrë, ne duhet të bëjmë përpjekje të mëdha për të refuzuar polarizimin dhe përçarjen politike. Pa këtë përpjekje, kushdo që do të fitojë, nuk do të jetë në gjendje të ketë sukses të plotë si president, apo për këtë komb./CNA.al