web counter
LEXO PA REKLAMA!

SHKARKO APP

App Store
Google Play

E fundit!

x

Dy të tretat e pacientëve, kanë simptoma të Covid-19 edhe 7 javë pas daljes nga spitali

12 Nëntor 2020, 08:49, Blog CNA

Një studim i ri ka zbuluar se më shumë se dy të tretat e pacientëve të shtruar në spital për shkak të koronavirusit të ri, vazhdojnë që të vuajnë nga efektet anësore të Covid-19 më shumë se 7 javë pasi janë shëruar dhe kanë dalë nga spitali.

Studiuesit zbuluan se edhe 54 ditë pas daljes nga spitali, 69 për qind e pacientëve raportuan se përjetonin ende lodhje, dhe 53 për qind e tyre vuanin vazhdimisht nga ndjesia e marrjes së frymës. Ata gjithashtu zbuluan se 34 për qind e pacientëve kishin ende kollë, dhe 15 për qind e tyre raportuan depresion.
Për më tepër, 38 për qind e radiografive të kryera në gjoks (me rrezet X) mbetën anormale, dhe 9 për qind e tyre tregonin një përkeqësim të mushkërive, sipas studimit të kryer në bashkëpunim me mjekët klinicistë të Royal Free London (RFL) dhe University College London Hospitals NHS Trust ( UCLH).
Gjithsesi, studiuesit nuk mundën të përcaktojnë nëse këto karakteristika janë unike për pacientët që kanë qenë të sëmurë me Covid-19. Ato mund të jenë edhe thjeshte të ngjashme me ato pas shtrimit në spital nga sëmundje të tjera të rënda të frymëmarrjes.

Dr.Suapna Mandal, profesor i asociuar klinik në divizionin e mjekësisë në UCL, tha se të dhënat tregojnë se i ashtuquajturi ?Covid i zgjatur në kohë? është një dukuri e vërtetë, dhe se duhen studime të mëtejshme për të kuptuar se si mund të trajtohen simptomat e këtij fenomeni.
?Pacientët sëmundja e të cilëve me Covid-19 është mjaft serioze, sa që ata kërkojnë kujdesin spitalor, vazhdojnë shpesh të vuajnë nga shumë simptoma serioze edhe për shumë javë pas daljes nga spitali?- tha ajo.

Në studimin e botuar në revistën mjekësore ?Thorax?, ekipet klinike krijuan një klinikë post-Covid për të rishikuar simptomat psikologjike dhe fiziologjike të pacientëve që kishin dalë nga spitali. Në total, ata vëzhguan 384 pacientë që kishin rezultuar pozitivë me koronavirusin e ri, dhe ishin trajtuar në Spitalin Barnet, Royal Free Hospital apo UCLH. Kolektivisht, kohëzgjatja mesatare e qëndrimit në spital ishte 6 ditë e gjysmë.
Të gjithë pacientët u telefonuan ose u vizituan personalisht nga një anëtar i ekipit gati 54 ditë pasi ata ishin larguar nga spitali. Disa takime të mëtejshme ballë për ballë ishin të nevojshme për pacientët që kishin nevojë për rehabilitim ose analiza dhe egzaminime të mëtejshme.

Hulumtimi sugjeron që për ata pacientë, skanimi i të cilëve në gjoks tregonte ende shenja të infeksionit kur dolën nga spitali, 62 për qind e tyre kishin një skaner normal kur procedura u përsërit. Pjesa e mbetur (38 për qind), ishin ende duke treguar disa ndryshime. Gati 1 në 10 (9 për qind) prej këtyre pacientëve kishin një skenar shumë më të keq sesa kur dolën nga spitali. Shkencëtarët vërejnë një numër kufizimesh në studimin e tyre, përfshirë faktin që studimi përfshiu vetëm pacientët që rezultuan pozitivë ndaj SARS-CoV-2, virusi që shkakton sëmundjen e Covid-19.

Ndërkohë, pacientët që duhet të qëndrojnë më shumë në terapi intensive, mund të jenë nën-përfaqësuar në këtë analizë. Ata shtojnë se jo të gjithë pjesëmarrësit, ishin të gatshëm të merrnin pjesë në rishikimin e gjendjes së tyre, apo të merrnin pjesë në investigime që potencialisht shfaqnin një paragjykim në përzgjedhjen e pacientëve./Përshtatur nga CNA.al

Burimi:https://www.sciencefocus.com/news/two-thirds-have-long-covid-symptoms-7-weeks-after-hospital-discharge/





Lajmet e fundit nga