web counter
LEXO PA REKLAMA!

SHKARKO APP

App Store
Google Play

E fundit!

x

SHBA/ Prokurori i Përgjithshëm, Uilliam Bar autorizon hetimin e manipulimit të zgjedhjeve

11 Nëntor 2020, 09:08, Blog CNA

Një zyrtari i Departamentit të Drejtësisë në SHBA, që mbikëqyr hetimin e krimeve elektorale dha dorëheqjen në shenjë protestë të hënën, pasi Prokurori i Përgjithshëm Uilliam Barr i autorizoi prokurorët federalë në të gjithë vendin që të shqyrtojnë ?akuzat thelbësore? mbi të parregullsitë në zgjedhje, nëse ato ekzistojnë, para se të çertifikohet gara presidenciale e vitit.

Vendimi erdhi disa ditë pasi demokrati Xho Bajden mundi presidentin Donald Trump, dhe rrit shpresën se Trump mund të përdorë Departamentin e Drejtësisë për të tentuar të sfidojë rezultatin. Trump nuk e ka pranuar rezultatin e zgjedhjeve, dhe po pretendon se ka pasur një konspiracion të përhapur në shumë shtete nga demokratët për të shmangur numrin e votave në favor të Bajdenit.

Në fakt, zyrtarët e zgjedhjeve nga të dyja partitë politike kanë deklaruar publikisht se zgjedhjet shkuan mirë, edhe pse pranuan probleme të ndryshme si thyerja e makinerive të votimit, dhe faktin që jo pak fletë votimi kishin humbur ose ishin në një gjendje të tillë që e vështirësonte leximin e votës.
Në një memo për prokurorët e SHBA, të konsultuar edhe nga ?The Associated Press?, Barr shkroi se hetimet ?mund të ndërmerren nëse ka akuza të qarta dhe të dukshme të besueshme për parregullsi që nëse janë të vërteta, mund të ndikojnë potencialisht në rezultatin e zgjedhjeve federale në një shtet të caktuar?.
Ai tha se çdo akuzë që ?qartazi nuk do të ndikonte në rezultatin e zgjedhjeve federale?, duhet të shtyhet derisa ato zgjedhje të certifikohen, dhe prokurorët me gjasë duhet të nisin të ashtuquajturat hetime paraprake, të cilat do t?i jepnin mundësi hetuesve dhe prokurorëve të shohin nëse ka prova që do t?i lejonin ata të ndërmerrnin veprime të mëtejshme hetimore.

?Ndërsa është e domosdoshme që të shqyrtohen në një kohë dhe në mënyrë efektive pretendimet e besueshme, është po aq e domosdoshme që personeli i Departamentit të ketë kujdesin e duhur dhe të ruajë angazhimin absolut të Departamentit për drejtësi, neutralitet dhe të qënit jo-partiakë në punën e tyre?-shkroi Barr.

Shtetet kanë kohë deri më 8 dhjetor që të zgjidhin mosmarrëveshjet zgjedhore, përfshirë rinumërimin e votave dhe rekurset gjyqësore mbi rezultatet. Anëtarët e Kolegjit Zgjedhor mblidhen më 14 dhjetor për të shpallur rezultatin përfundimtar. Barr e kritikoi votimin përmes postës, si të prirur për ndikim dhe imponim të padrejtë. Në memon e tij, kryeprokurori argumenton se shqetësimet për akte të tilla mund të ndikojnë pa dashje në zgjedhje, dhe në disa raste, hetimet nuk mund të vonohen derisa të certifikohen zgjedhjet.

Një zyrtar i Departamentit të Drejtësisë tha se zotit Barr nuk i ishte kërkuar nga Trump, dhe nga askush tjetër në Shtëpinë e Bardhë ose ndonjë ligjvënës, për të bërë publike këtë memo. Barr ishte në zyrën e udhëheqësit të shumicës në Senat Miç Mekonell në Capitol Hill të hënën pasdite, dhe refuzoi t?u përgjigjej pyetjeve të gazetarëve kur doli prej andej. Ndërkohë avokati i fushatës së Bajden, Bob Bauer, tha përmes një deklarate se është ?për të ardhur keq që Prokurori i Përgjithshëm Barr, zgjodhi të lëshojë një memorandum që vetëm sa do të ushqejë pretendimet spekulative dhe fantazitë?, ndaj të cilave ai pretendon se synon të shmangë hetimet./Përshtatur nga CNA.al





Lajmet e fundit nga