web counter
LEXO PA REKLAMA!

SHKARKO APP

App Store
Google Play

Reforma Zgjedhore/ Rudina Hajdari bën kërkesën e radhës

28 Shtator 2020, 12:12, Politikë CNA

Deputetja e opozitës së re, Rudina Hajdari kërkon mbledhjen e Këshillit Politik nesër në orën 12:00.

Sipas saj sytë e shqiptarëve janë nga përfaqësuesit e tyre politikë dhe ata sot kërkojnë një reformë zgjedhore.

“Të nderuar anëtarë të Këshillit Politik,
Me kënaqësi konstatova se Partia Demokratike ka dorëzuar pranë Këshillit Politik një draft propozim për amendamentet e Kodit Zgjedhor, propozim ky i cili shkon përkrah atij të opozitës parlamentare e që synon hapjen reale të listave 100% duke ia mundësuar qytetarit e jo më kryetarit përzgjedhjen e deputetëve në Parlamentin e ardhshëm. Duke qenë se tashmë të gjitha palët i kanë depozituar propozimet e tyre lidhur me këtë çështje, propozoj të takohemi nesër në orën 12:00 për të diskutuar dhe mundësisht dakordësuar rreth kësaj çështjeje.
Sytë e shqiptarëve janë nga përfaqësuesit e tyre politikë dhe ata sot kërkojnë një reformë zgjedhore e cila pikë së pari të rikthejë sovranitetin te populli nëpërmjet mekanizmit të hapjes së listave. Le të bëhemi bashkë dhe ta përfaqësojmë këtë vullnet qytetar, duke e miratuar me konsensus hapjen reale të listave për zgjedhjet e ardhshme. Duke uruar në një përgjigje pozitive, Me respekt,
Rudina Hajdari”, shkruan Hajdari./CNA.al





Lajmet e fundit nga