web counter
LEXO PA REKLAMA!

SHKARKO APP

App Store
Google Play

Ndryshimet në kodin zgjedhor/ Diskutohen sot të gjitha propozimet

28 Shtator 2020, 06:38, Politikë CNA

Komisioni i Ligjeve do të marrë në shqyrtim ditën e sotme të gjitha propozimet që janë bërë deri më tani për ndryshimin e sistemit zgjedhor.

Në këtë seancë do të diskutohet drafti me propozime i PS, ku parashikohet që të hapen listat 100%,  ama sipas drafitit të PS renditja e kandidatëve do të bëhet në rend shifror, dhe kjo renditje ndryshon vetëm nëse kandidati ka marrë një numër votash parapëlqyese më të madh sesa mesatarja e partisë, që del nga pjestimi i numrit të votave që ka marrë subjekti politik me numrin e mandateve të fituara nga subjekti. Ndërsa pragun zgjedhor i propozuar është 3%.

Propozimi tjetër është nga disa deputetë të opozitës parlamentare të cilët propozuan një formulë që i lejon kryetarit të partisë të mbyllë listat deri në 1/3.  Ndërsa pragu zgjedhor, kërkon të jetë 1% në rang kombëtar.

Gjithashtu ditën e sotme do të shqyrtohet propozimi i deputeti Andi Përmeti që gjithashtu parashikon mbylljen e listave deri në 1/3 e saj.

Nga ana tjetër opozita jashtëparlamentare mbrëmjen e të dielës paraqiti draftin e saj, ku kërkonte ruajtjen e koalicioneve parazgjedhore si edhe hapjen e listave 100%./CNA.al

 





Lajmet e fundit nga