web counter
LEXO PA REKLAMA!

SHKARKO APP

App Store
Google Play

E fundit!

x

Luftimet Armeni-Azerbajxhan/ Rama thirrje urgjente: Të rifillohen negociatat pa parakushte

27 Shtator 2020, 19:18, Politikë CNA

Armenia ka mobilizuar ushtrinë, pas luftimeve të ashpra me forcat e Azerbajxhanit në rajonin e kontestuar të Nagorno Karabakut.

Duke nisur nga kjo, kryeministri Edi Rama, në cilësinë e kryetarit të OSBE-së, ka bërë një reagim zyrtar në faqen e OSBE.

Ram bëri thirrje që të parandalohet urgjentisht përshkallëzimi i situates dhe kërkoi dialog mes palëve politike.

“Unë i nxis të gjithë të përfshirët të kthehen menjëherë në armëpushim para se numri i njerëzve i këtij konflikti të rritet më tej”, thuhet në deklaratën e kreut të OSBE.

Më tej, Rama vuri në dukje se Bashkëkryetarët e Grupit Minsk të OSBE-së dhe Përfaqësuesi Personal i Kryesuesit të Përgjithshëm, Ambasadori Andrzej Kasprzyk, kanë qenë në kontakt të ngushtë me palët.

Në deklaratë thuhet se: ?Rama mbështet plotësisht përpjekjet e tyre për të stabilizuar situatën në terren dhe përsëriti se nuk ka asnjë alternativë për një zgjidhje paqësore të negociuar të konfliktit. Ai nënvizoi mbështetjen e tij për përpjekjet e bashkë-kryetarëve për të rifilluar negociatat thelbësore pa parakushte, sa më shpejt të jetë e mundur?.

Ndërkaq, kryeministri shqiptar ka shprehur edhe ngushëllimet e tij për familjet e atyre që humbën jetën në këtë raund të fundit të dhunës./ CNA.al





Lajmet e fundit nga