Goxhaj tregon mënyrën/ Si mund të largohet banda Sorosiane nga pushteti

27 Shtator 2020, 17:09, Politikë CNA

Avokat Altin Goxhaj , ka ngritur sërish akuza ndaj qeverisë lidhur me shpronësimin e banesave në zonën e Astirit.

Goxhaj pretendon se qeveria po abuzon me prishjen e objekteve për të ndërtuar rrugën e Unazës së Madhe, ndërsa ashtu si herët e tjera edhe sot tha se këtu ka gisht Goerge Soros.

Ai tha se për këtë duhet gjetur një zgjidhje, pasi theksoi se sistemet e drejtësisë nuk po veprojnë se janë kapur nga Sorosi.

Sipas tij, e vetmja mënyrë për të për të ndëshkuar që të gjithë politikanët e përfshirë në këtë aferë dhe ata që kanë future duart në xhepat e shqiptarëve, është që të bëhet një gjyq si ai i Nurembergut.

Goxhaj deklaroi në Fax Neës se që të bëhet një gjyq i tillë, duhet zhbërë Kushtetuta e Sorosit me një referenduam nga populli.

?Kjo skemë që ata kanë bërë, për ta bërë Shqipërinë një makinë mishi gjigande që grinë pasurinë e shqiptarëve, është për ti bërë shqiptarët që të mos jetojnë në këtë vend. Të gjitha këto prova që kanë të bëjnë me shkatërrimin ekonomik, dhe rrënimin e qëllimt ekonomik, ka në axhendë shpopullimin e Shqipërisë.

Ky quhet krim kundër njerëzimit, krim që e parashikon kodi penal, koventat ndërkombëtare që Shqipëria i ka nënshkruar, si dhe një krim që e parashikon dhe Kushtetuta e Shqipërisë. Pikërisht nëse duam që ne t?i ndëshkojmë këta duhet të bëjmë një gjyq si ai i Nurembergut, jo vetëm për politikanët por për të gjithë ata që futën duart tek pasuritë e shqiptarëve. Pra duhet një gjyq për krime kundër njerëzimit, si ai Nurembergut, por që të bëhet ky gjyq nevojitet një gjykatë dhe një prokurori. Si gjykatën dhe prokurorinë e ka Sorosi, domethënë e kanë këtë.

Ne kemi të akuzuarin kryesor Xhorxh Soros i cili me bandën e tij në Shqipëri ka kapur gjykatat dhe prokurorinë, ndaj zgjidhja është zhbërja me anën e një Kushtetute të re. Zhbërja e Kushtetutës së Sorosit bëhet me anën e një referendumi ku të vendosë populli. Kushtetuta e re bën nul vendimet e Kushtetutës së mëparshme dhe në këtë mënyrë ndodh zhbërja dhe ndëshkimi i këtyre?, u shpreh avokati./ CNA.al