“Blegtoria në rënie të lirë”/ Çuçi i përgjigjet Metës: Ka zgjedhur të bëjë fushatë me postin

26 Shtator 2020, 18:51, Politikë CNA

Ministri i Bujqësisë, Blendi Çuçi ka reaguar ndaj deklaratave të presidenti Ilir Metës i cili tha sot se blektoria shqiptare sipas indikatorëve të INSTAT po shkon drejt një rënie të lirë.

Ai shtoi se braktisja e këtij sektori shumë të rëndëishëm, po shpopullon zonat rurale dhe më të bukura të vendit.

Përmes një shënimi në rrjete sociale, Çuçi thotë se Meta gënjen dhe se vetë ai është në rënie të lirë, pasi nuk dëshiron të shohë shifrat reale.

Çuçi shprehet se presidenti ka zgjedhur të bëjë fushatë për opozitën, në kundërshtim me Kushtetutën e Republikës së Shqipërisë. Duke publikuar shifrat, ministri thotë se e vërteta është krejt ndryshe, dhe se 3 vitet e fundit është rritur ndjeshëm numri i fermerëve.

?Kreu i shtetit që ka zgjedhur të bëjë fushatë me postin e Presidentit në shkelje të hapur të Kushtetutës edhe sot kur foli për blegtorinë thotë të pavërteta.? Kur ai ishte zëvendës i qeverisë së Saliut në vitin 2012, nga buxheti i shtetit mbështetja për blegtorinë ishte vetëm 202 milionë lekë dhe numri i përfituesve 2178 fermerë.? Kur partia e tij la drejtimin e Ministrisë së Bujqësisë në vitin 2017 numri i përfituesve zbriti frikshëm në vetëm 844 fermerë. ? Numri më i madh i përfituesve ka qenë në tri vitet e fundit, duke arritur në 3754 fermerë në vitin 2020 me një buxhet plot 727 milionë lekë.? Në këtë vit masa e përfitimit është më e madhja për krerë, krahasuar me vitet e mëparshme.? Po kështu, edhe numri i përfituesve dhe fondi i përdorur është më i madhi në gjithë periudhën (2012-2020).? Nga Skemat Kombëtare për periudhën 2017-2020 kanë përfituar drejtpërdrejt 13800 fermerë dhe agrobiznese nga masat mbështetëse direkte dhe projekte investimesh me një fond të përdorur prej rreth 3.5 miliardë lekësh. ?? Kurrë më parë s?ka pasur një mbështetje të tillë për bujqësinë në tërësi dhe sektorin e blegtorisë. ???? Kemi nisur ndërkohë reformimin e Shërbimit Veterinar, i cili mori një goditje fatale në vitet kur partia e Presidentit drejtonte Ministrinë e Bujqësisë.? Fermerët do të përfitojnë vaksinim dhe matrikullim falas për kafshët blegtorale dhe do të mbulohet me shërbim i gjithë territori i vendit. ?Faktet që kreu i shtetit refuzon t?i shikojë, dëshmojnë se në ?rënie të lirë? nuk është bujqësia, por vetë Presidenti që ka braktisur rolin kushtetues për të bërë udhëheqësin e dëshpëruar të opozitës pa shpresë.?/CNA.al