web counter
LEXO PA REKLAMA!

SHKARKO APP

App Store
Google Play

U përjashtua nga lista e kandidatëve të PD-së/ Ish-kryebashkiaku tregon “prapaskenat” e votimit

26 Shtator 2020, 12:46, Politikë CNA

Ish-kryetari i Bashkisë së Kukësit, Bashkim Shehu, pretendon se anëtarësia e PD-së nuk ka qenë e mirëinformuar për votimin e kandidatëve, ndaj edhe është skualifikuar nga gara për deputet.

Në një prononcim për gazetën ?Panorama?, Shehu shprehet se ka pasur ngatërrime gjatë votimit. Ndërkohë, shton se nuk e priste që të skualifikohej.

?Aty ka mbaru votimi, por është komisioni që vendos.Është komisioni lart aty. Ata i numërojnë votat, por unë jam poshtë 20%. Plus që janë ngatërruar. Ka qenë një proces i ngatërruar ky. Anëtarët, duke votuar emrin tim, kanë menduar se po më bëjnë mirë. Ka qenë pak si votim i ngatërruar.?-tha Shehu.

Më tej, ai theksoi se anëtarët e PD nuk kanë qënë të informuar në lidhje me procesin e votimit, i cili ka qënë me votë skualifikuese.

?Anëtarët e PD nuk e kanë kuptuar mirë këtë proces, sepse është hera e parë që përdoret ky proces votimi në Shqipëri, nuk është përdorur në asnjë çështje votimi tjetër. Plus edhe ngaqë ka qenë si ditë e parë dhe?. gjithsesi unë jam poshtë 20%, dhe tani e ka komisioni në dorë. Ka pasur votë kontestuese por??-tha ish-kryebashkiaku.

I pyetur nëse e priste që të merrte kaq vota kontestuese për t?u skualifikuar, ai tha, “Jo, kush e priste. Askush nuk pret votë kontestuese. Por ngaqë ka qenë si ngërç, edhe prandaj. Nuk është se janë dy kandidatë dhe fiton njëri, por janë 5 dhe votohet për skualifikim, është pak si e paqartë kjo.”





Lajmet e fundit nga