web counter
LEXO PA REKLAMA!

SHKARKO APP

App Store
Google Play

E fundit!

x

Foto-Pasojat e motit të keq/ Rrëzohen disa pemë, shkëputet energjia elektrike

26 Shtator 2020, 07:21, Politikë CNA

I gjithë vendi gjatë natës së kaluar është përfshirë nga stuhi dhe reshje të dendura, shoqëruar edhe me erë të fortë.

Sikurse shikohet në fotot më poshtë, si pasojë e erës së fortë në Bulqizë janë rrëzuar disa pemë, duke rrezikuar edhe jetën e qytetarëve.

Gjithashtu ka pasur edhe ndërprerje të energjisë elektrike. Në disa njësi administrative të Bulqizës mungon akoma energjia elektrike.

Po ashtu edhe në Shkodër moti i keq me rrebeshe shiu dhe erëra të forta ka shkaktuar probleme në disa akse rrugore, kjo për shkak të thyerjes së disa pemëve.

Për pasojë janë dëmtuar disa automjete që kanë qenë të parkuara.

Sipas parashikimeve moti i keq do të vazhdojë gjatë gjithë fundjavës.

Edhe, në Tiranë moti i keq ka shkaktuar jo pak dëme duke rrëzuar disa pemë në rrugët dhe sheshet kryesore të kryeqytetit, ndërsa punonjësit e bashkisë janë në terren duke punuar për rikuperimin e dëmeve dhe në ndihmë të qytetarëve.

Sikurse shihni edhe nga këto foto, punonjësit e Bashkisë kanë punuar gjatë gjithë orëve të mbrëmjes dhe në mëngjes për të normalizuar situatën dhe për të eliminuar rrezikun për qytetarët.

Era ka qenë aq e fortë sa ka rrëzuar edhe pemë disavjeçare në disa rrugë të kryeqytetit.





Lajmet e fundit nga