web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Lefter Zhidrus në Elbasan/ Noka: Po të isha si Lleshaj do jepja dorëheqjen brenda 24 orëve

26 Shtator 2020, 17:01, Politikë CNA

Ish-ministri i Brendshëm Flamur Noka, ka komentuar ngjarjen e rëndë në Elbasan, ku 71-vjeçari Lefter Zhidru terrorizoi Elbasanin dhe plagosi dy kalimtarë gjatë një shkëmbimi zjarri me policinë.

Noka tha se gjendja e policisë është në kufijtë e qesharakes, ndërsa pretendon se e gjithë ngjarja ishte një show politik për të fshehur paaftësinë e Policisë.

?Është të them të drejtën, tregon gjendjen e këtij shteti. Një 71-vjeçar dikur mbajti peng një Polici të tërë, nga i madhi tek i volgi, për gjithë orë të ditës. Po mendoni sikur larg qoftë të ishin një bandë kriminale.

Nuk menaxhuan dot një plak, në kufijtë e qesharakes për të vajtuar gjendjen e Policisë. Keni parë ju që të ketë një përqëndrim të tillë ndaj një bande në këtë vend. Gjëja më e thjeshtë është, e mbani mend tek Rruga e Trenit, që i futën gaz lotsjellës familjeve, dolën gratë me fëmijë të llaftarisura.

Duhej vrarë një plak për të bërë terror tek qytetarët. Ishte një show politik për të fshehur paaftësinë e Policisë. Ministria e Brendshme është një kukull, kurse Policia e Shtetit është në një mision politik kundër opozitës?, u shpreh ai në emisionin ?Kjo Javë?.

Demokrati deklaroi se ndjeu keqardhje kur pa që ministri i Brendshëm Sandër Lleshaj ndiqte nga pas kryetarin e grupit parlamentar të PS Taulant Ballën, në ditën e ngjarjes. Noka theksoi se po të ishte në vendin e tij do të kishte dhënë dorëheqjen brenda 24 orëve.

?Po të isha si Lleshaj nuk do shkonte 24 orë do jepja dorëheqjen dhe do ikja?, nënvizoi ai./ CNA.al





Lajmet e fundit nga