web counter
LEXO PA REKLAMA!

SHKARKO APP

App Store
Google Play

Paloka paralajmëron Ramën/ “Do shkojë para drejtësisë, vendi i tij është në burg”

26 Shtator 2020, 16:09, Politikë CNA

Nënkryetari i Partisë Demokratike Edi Paloka ka treguar ditën e sotme nëse do të mbajnë zgjedhje vendore brenda vitit 2021 nëse PD do të vijë në pushtet.

Paloka tha se zgjedhjet vendore do të bëhen në momentin më të parë që do të vendosë drejtësia shqiptare.

?Ne kemi kërkuar vazhdimisht që zgjedhjet vendore të bëhen bashkë me ato Parlamentare, por nëse Rama, që e shihni çdo ditë, nuk është njeriu që mban marrëveshje dhe zbaton marrëveshje. Nëse Rama nuk do ta bëjë këtë, sigurisht e drejta do të shkojë në vend. Gjykata Kushtetuese do të marrë vendimin e duhur sapo Rama ta lejojë të krijohet, por kam frikë se nuk do ta lejojë të krijohet derisa të jetë ai në pushtet dhe zgjedhjet vendore do të bëhen në momentin më të parë që do të vendosë drejtësia shqiptare, jo drejtësia e Ramës, por ajo që do të japë drejtësinë realisht?, u shpreh ai nga Bulqiza.

Demokrati ka paralajmëruar kryeministrin Edi Rama se do të shkojë para drejtësisë për të gjitha të këqijat që pretendon se i ka bërë vendit.

?Ne e kemi deklaruar dhe do t?i qëndrojmë deri në fund. Rama duhet të shkojë përpara drejtësisë dhe vendi i tij normalisht është në burg. Kaq të zeza sa i ka bërë shqiptarëve ky njeri, kur them shqiptarëve, jo vetëm brenda kufijve zyrtarë të Shqipërisë, nuk i ka bërë përveç Enver Hoxhës askush tjetër?, theksoi Paloka./ CNA.al





Lajmet e fundit nga