web counter
LEXO PA REKLAMA!

SHKARKO APP

App Store
Google Play

Vasili nxjerr foton e fëmijës në çadër/ “Shpërthen” ndaj qeverisë: Të paaftë, shpërdorues fondesh

26 Shtator 2020, 13:53, Politikë CNA

Nënkryetari i LSI-së Petrit Vasili, ka publikuar në rrjetet sociale foton e një fëmijë që jeton në çadër, pasi tërmeti i shembi banesën.

Vasili ngre akuza ndaj qeverisë, për të cilën thotë se po mashtron qytetarët me propagandë.

Ai nuk është përmbajtur ndaj qeverisë, pasi thotë se është e paaftë, shpërdoruese fondesh dhe tallëse e dhimbjes së njerëzve.

?Qytetarët e goditur nga tërmeti në gjendje të mjerueshme në çadra, ndërsa të paturpët e Rilindjes mashtrojnë me propagandë. Të neveritshme zgërdhimjet, skenat dhe spërdredhjet e kryeministrit dhe të tërë tufës së lehsave të tij për rindërtimin pas tërmetit.

Të paaftë, shpërdorues fondesh dhe tallës të dhimbjes së njerëzve këta duan të shesin sapunin për djathë. Qytetarë në banesa, që mund të shemben nga çasti në çast, në çadra, në kontenierë nën shiun, që hyn nga të gjithë anët ky është realiteti.

Foto e këtij fëmije të sëmurë me temperaturë të mbuluar me batanije të lagur në çadër dhe në mëshirë të fatit pas tërmetit flet vetë. Kryeministër e qeveri mirë që s’bëni asgjë po qepni gojën të paktën?, shkruan ai në rrjetet sociale./ CNA.al





Lajmet e fundit nga