web counter
LEXO PA REKLAMA!

SHKARKO APP

App Store
Google Play

“Taksa e sheshtë 9% ndihmon shtresën e mesme”/ Basha: Do rishikojmë paketën…

26 Shtator 2020, 15:50, Politikë CNA

Kryetari i Partisë Demokratike, Lulzim Basha vijon të këmbëngulë dhe t?i premtojë shqiptarëve se do të vendosë taksën e sheshtë 9%.

Pak më parë, Basha ka treguar se ka marrë shumë mesazhe për paketën fiskale të programit ekonomik të PD-së.

Kreu i opozitës thekson se ka kuptuar nevojën e madhe që kanë punonjësit, inxhinierët, ekonomistët, mjekët, avokatët, profesionistët dhe sipërmarrësit për masa dhe lehtësi fiskale, që t?i bëhen krah në këto kohë të vështira.

Ai deklaron se sapo të vijë në pushtet do të rishikojë të gjithë paketën e taksave aktuale për t?ia lehtësuar procedurat bizneseve dhe investitorëve vendas dhe të huaj.

?Taksa e sheshtë 9% është një rrugë përmes së cilës ne do të konsolidojmë shtresën e mesme të shoqërisë. Ajo është shtylla kurrizore e një ekonomie të shëndetshme dhe të qëndrueshme në qytet dhe fshat. Kjo është vetëm një nga mënyrat se si do të fuqizojmë të gjithë ata që punojnë. Puna dhe mundi juaj nuk duhet të mbitaksohen. Përkundrazi, sa më shumë para në xhepat tuaja, aq më mirë për ekonominë tonë. Këto 7 vite, qeveria Rama ka rritur taksat më shumë se çdo qeveri tjetër më parë, duke i keqmenaxhuar dhe shpërdoruar ato si asnjëherë më parë.

Shqipëria ka nevojë për frymëmarrje, shqiptarët duan mbështetje dhe lehtësi fiskale nga shteti, dhe jo një qeveri arrogante, që ju nxjerr vetëm pengesa. Ne do e rishikojmë të gjithë paketën e taksave aktuale për t?ia lehtësuar procedurat bizneseve dhe investitorëve vendas dhe të huaj. Unë e di që do na duhet të marrim vendime të rëndësishme dhe ne do t’i marrim ato së bashku.

Qëllimi ynë është që të kemi një shoqëri të qëndrueshme, me një shtresë të mesme solide në zemër të saj dhe me institucione që ju shërbejnë qytetarëve dhe jo partive. Bashkë do ta largojmë të keqen dhe do sjellim ndryshimin që duan të gjithë!?, shkruan Bashan ë rrjetet sociale./ CNA.al





Lajmet e fundit nga