web counter
LEXO PA REKLAMA!

SHKARKO APP

App Store
Google Play

Rama flet nga Vlora/ Administratat kanë shumë për të bërë, njerëzit kanë të drejtë që ankohen

26 Shtator 2020, 17:33, Politikë CNA

Kryeministri Edi Rama ka përfunduar takimet me drejtorët dhe asamblenë e Partisë Socialiste në Vlorë.

Mësohet se takimet kanë filluar rreth orës 15:30 dhe janë mbajtur pa praninë e mediave.

Pas përfundimit të takimeve, Rama ka dhënë edhe një prononcim për mediat, ku ka folur për administratën dhe ka parlajmëruar se nuk duhet ketë qytetarë të pakënaqur

“Unë besoj se kemi bërë një transformim të madh të punës së administratës në tërësi me revolucionin digjital. Pra janë miliona vajtje ardhjet e kursyera për shërbime që duhet ti bënim duke u sorollatur. Nga ana tjetër nuk do të thotë që njerëzit nuk kanë të drejtë kur ankohen për administratën. Është një kantier i madh që vazhdon punën. Kjo është një luftë e vazhdueshme, unë nuk dorëzohem por njerëzit duhet të bëjnë durim se nuk është e kollajshme. Por kjo nuk është potencialesh për PS por të përgjithshme.

Për hir të vërtetës nuk është se jemi kursyer për njerëzit që kanë dështuar apo na kanë turpëruar, por është një luftë që vazhdon dhe kërkon kohën e vet. Administrata është ngrehinë dhe progresi i bërë këto vite është i kuptueshëm. E keqja në këtë rast, e mira nuk ka fund kështu që njerëzit i kanë harruar radhat e pafundme në shi për të paguar faturat e OSHEE apo për të bërë një aplikim. Megjithatë kemi ende shumë për të përmirësuar për shërbimin online që të mbarojë kjo histori?, u shpreh kreu i qeverisë

Teksa u pyet për kandidimin e tij, Rama deklaroi: ?Do të shihet a jam apo jo në Vlorë. Vërtetë jam më i gjatë se të tjerët, por në këtë rast jam i barabartë”./ CNA.al





Lajmet e fundit nga