web counter
LEXO PA REKLAMA!

SHKARKO APP

App Store
Google Play

E fundit!

x

“Rama është i vetëm”/ Topollaj: Fraksionet opozitare, në front kundër mazhorancës

28 Shtator 2020, 07:30, Politikë CNA

Anëtari i Bordit Drejtues të Bindjes Demokratike, Fabian Topollaj ka theksuar se kryeministri Edi Rama është i vetëm përballë të gjitha fraksioneve opozutare.

I ftuar në A2 CNN, Topollaj tha se tashmë të gjithë fraksionet opozitare kërkojnë hapjen 100% të listave, ndërsa sa i takon draftit të PS-së, ai tha se është antikushtetues.

?Jemi në kushte të tjera politike, Rama është i vetëm përballë faktorëve opozitarë.

Nëse faktorët e tjerë opozitarë prej kohësh kanë kërkuar hapje reale të listave, më në fund edhe PD ka hipur në këtë tren dhe e gjithë kjo ka bërë që PS të jetë e vetme. PS e vë theksin te preferencat e kryetarit të partisë.

Mazhoranca ka humbur monopolin si në Këshillin Politik, por edhe në parlament.

Sot mazhoranca socialiste është e vetme, opozita parlamentare kërkon hapjen e listave, por edhe në Këshillin Politik është vetëm, pasi edhe opozita jashtëparlamentare kërkon hapjen e listave.

Gjërat janë krejt të qarta, PS është e vetme në propozimin e saj përballë të gjithë faktorëve opozitarë që janë bërë bashkë.?-tha Fabian Topollaj.

Më tej, ai theksoi se propozimi i PS ka probleme thelbësore.

?Propozimi i PS është kundër Kushtetutës. Në 30 korrik kemi bërë ndryshime në Kushtetutë që i jep vlerë preferencës së qytetarëve. Nëse do ruanim formulën e PS, ajo që dominon është preference e kryetarit të partisë?-u shpreh Topollaj./ CNA.al





Lajmet e fundit nga