web counter
LEXO PA REKLAMA!

SHKARKO APP

App Store
Google Play

E fundit!

x

Pse vaksinat e koronavirusit nuk po testohen ende tek fëmijët?

27 Shtator 2020, 06:18, Blog CNA

Progresi mbi vaksinat që do të përdoren kundër koronavirusit, ka qenë jashtëzakonisht i shpejtë që nga koha kur virusi i ri u identifikua për herë të parë, dhe kur gjenomi i tij u sekuencua në janar 2020. Fazat kryesore eksperimentale, janë tani në fazën e fundit të provave klinike, teksa rezultatet pritet të bëhen publike muajin tjetër.

Por ky përparim është fokusuar në krijimin dhe testimin e një vaksine për të rriturit. Fëmijët nuk janë ende përfshirë në testimet e vaksinave kundër koronavirusit, duke bërë që disa ekspertë të shqetësohen se fëmijët mund të mbeten pa një vaksinë efektive ndaj Covid-19
për një farë periudhe.

Prodhuesit e ilaceve zakonisht e testojnë një vaksinë tek fëmijët përpara se të kërkojnë miratimin për t?ua dhënë atë atyre. ?Business Insider? pyeti prodhuesit kryesorë të ilaçeve – Pfizer, Moderna, AstraZeneca dhe Johnson & Johnson – për planet që kanë për testimin e vaksinave të tyre të koronavirusit tek fëmijët.

Të katërta kompanitë thanë se planifikojnë ta bëjnë këtë gjë, por asnjëra nuk dha një vlerësim se kur mund të ishte në dispozicion një vaksinë e tillë për fëmijët. Tani për tani, të katër kompanitë janë në fazën e fundit të testimit të vaksinave kandidate tek të rriturit.
Moderna thotë se planifikon të fillojë testimin tek fëmijët para fundit të vitit, në pritje të miratimit nga rregullatorët. ?Në varësi të miratimitnga FDA, synimi ynë është të fillojmë testimet në fund të këtij viti?- tha Rej Xhordan, përfaqësues i kompanisë.

Edhe kreu i grupit shkencor i Johnson & Johnson, Pol Stofels tha se kompania është e përkushtuar që të nisë edhe testimet e vaksinave tek fëmijët. Studimet e efektivitetit të saj tek fëmijët ?do të ndodhin më vonë gjatë këtij viti? pasi të garantohet siguria e saj tek të rriturit, tha Stofels në një komunikim të fundit me gazetarët. Kompanitë e tjera farmaceutike, nuk thanë kur do të fillonin studimet e tyre tek fëmijët. Dhe kjo mungesë informacioni, ka shkaktuar shqetësim tek disa pediatër dhe ekspertë të vaksinave. ?Tani për tani, unë jam shumë i shqetësuar, pse nuk do të kemi në dispozicion një vaksinë për fëmijët?- deklaroi dr.Evan Anderson, pediatër në Spitalin e Fëmijëve në Atlanta, SHBA.

Business Insider i pyeti prodhuesit kryesorë të barnave nëse ata presin të marrin fonde qeveritare për të nisur këto studime. Askush nuk iu përgjigj drejtpërdrejti pyetjes, edhe pse një zëdhënës i AstraZeneca tha se marrëveshja e saj me qeverinë e SHBA, përfshin edhe studimin e efektivitetit të vaksinës anti-Covid tek fëmjët. Nisma për zhvillimin e një vaksine kundër koronavirusit e qeverisë amerikane, ka akorduar afro 10 miliardë dollarë për kompanitë farmaceutike për të financuar provat e vaksinave kandidate, për të prodhuar dozat e nevojshme për vaksimin e amerikanëve.

Disa faktorë shpjegojnë arsyen se përse fëmijët po lihen të fundit në këtë studim. Në përgjithësi, studiuesit fillojnë të testojnë vaksinën eksperimentale tek popullata më pak e prekshme – të rriturit e rinj dhe të shëndetshëm – dhe më pas fillojnë të zgjerohen në grupe
më të prekshme, ndërsa akumulohen të dhëna klinike që tregojnë se vaksina ia vlen që të testohet. Kjo mund të përfshijë testimin tek njerëzit e moshuar, dhe personat me sëmundje të tjera. Një ndryshim i fundit në studimin e vaksinës së koronavirusit të kompanisë Pfizer, tregon se si funksionon kjo gjë. Gjiganti farmaceutik, shtoi nga 30.000 në 44.000 njerëz numrin e njerëzve të përfshirë në testim, dhe se tani dëshiron ta testojë edhe tek 16 dhe 17-vjeçarët, ashtu edhe tek të sëmurët me hepatit C, B dhe HIV.

Edhe pse fëmijët mund të mos kenë zakonisht simptoma të rënda të Covid-19, që shihen tek të moshuarit, zhvillimi i një vaksine për fëmijët, është ende koma një element i rëndësishëm për ta luftuar këtë pandemi. ?Megjithëse fëmijët e infektuar me SARS-CoV-2, kanë më shumë të ngjarë të jenë asimptomatike, tek ta shfaqen sëmundje simptomatike dhe nganjëherë serioze. Për më tepër, fëmijët mund të jenë të rëndësishëm në përhapjen e SARS-CoV-2 në komunitet?- tha zëdhënësi i kompanisë Pfizer. Prekja e fëmijëve nga koronavirusi i ri kanë qenë jashtëzakonisht të rralla, si një pjesë e vogël e rasteve të raportuara të sëmundjes Kavasaki. Kompanitë e ilaçeve thonë se përparësia e tyre në përgjigjen ndaj pandemisë, ishte mbrojtja me se pari e popullatave më të ndjeshme ndaj Covid-19./Përshtatur nga CNA.al





Lajmet e fundit nga