web counter
LEXO PA REKLAMA!

SHKARKO APP

App Store
Google Play

Rrëfimi i El Chapo-s/ Varësia ime e vetme janë femrat, kam 23 fëmijë

10 Shtator 2020, 20:53, Aktualitet CNA

Joaquín ?El Chapo? Guzmán ka pranuar se varësia e tij e vetme nga e cila kishte vuajtur kanë qenë gratë, ndërsa ai është babai i 23 fëmijëve.

Ky pohim është bërë gjatë një interviste të tij me kriminologen e njohur Mónica Ramírez Cano, pasi forcat meksikane të sigurisë kishin vënë në pranga bashkëthemeluesin e kartelit të Sinaloas.

Cano ndau një pjesë të shkurtër nga intervista e regjistruar në vitin 2016.

Daily Mail shkruan se 63-vjeçari është martuar 4 herë. Hera e fundit ishte në vitin 2007, kur ai i tha po mbretëreshës së bukurisë Emma Coronel, e cila në gusht të vitit 2011 solli në jetë vajzat binjake Maria Joaquina dhe Emali Guadalupe.

?Ai është një person i respektueshëm, kujdeset shumë për sjelljen, shumë i rezervuar. Nëse i fitoni besimin, atëherë mund të flisni me të gjatë dhe mund të kuptoni sesi funksionon mendja e tij?, tha Ramírez Cano.

El Chapo, i cili aktualisht është i dënuar me burgim të përjetshëm dhe po vuan dënimin në një burg të sigurisë së lartë në Colorado, thuhet se fitoi mbi 12,6 miliardë dollarë si drejtues i kartelit të drogës.

?Ai nuk është psikopat, por ka tipare të tilla dhe narciste, që pasqyrohen në nevojën për admirim, për tú ndjerë unik?, tha Cano.

 





Lajmet e fundit nga