LEXO PA REKLAMA!

SHKARKO APP

Vidhnin kasaforta kur pronarët e shtëpive ishin me pushime/ Arrestohet organizatori

10 Shtator 2020, 13:52, Aktualitet CNA

Ditën e sotme ka rënë në prangat e policisë personi i katërt i grupit me 5 veta, të cilët vidhnin kasaforta ndërkohë që pronarët e banesave ishin jashtë vendit.

Organizator i vjedhjeve është Arjan Rrapi 45 vjeç banues në Durrës , të cilit iu sekuestruan 5000 euro momentin e arrestimit.

Gjatë kontrollit fizik dhe në banesën e këtij shtetasi u gjetën dhe u sekuestruan në cilësinë e provës materiale sendet me vlerë të vjedhura në banesa, shuma të konsiderueshme parash (euro dhe lekë), veshje, 3 aparate celular, njëra prej kasafortave të vjedhura, 1 automjet dhe sendet që autorët përdornin për të kryer vjedhjet

Në kërkim është një 33 vjeçare, pjesë e grupit, roli i së cilës ishte shitja e bizhuterive e vjedhura jashtë Shqipërisë. Policia gjithashtu është në kërkim të aparaturës që përdorte grupi kur hapte kasafortat.

Materialet i kaluan Prokurorisë së Rrethit Gjyqësor Tiranë, për veprime të mëtejshme./CNA.al

Lajmet e fundit nga