E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

U arrestua nga SPAK për korrupsion/ Kush është gjyqtarja që nxorri nul zgjedhjet e 30 qershorit

9 Shtator 2020, 14:10, Aktualitet CNA

Prokuroria e Posaçme Kundër Korrupsionit dhe Krimit të Organizuar, SPAK ka arrestuar ditën e sotme gjyqtaren e Durrësit, Mimoza Margjeka.

Gjyqtarja Mimoza Margjeka, dyshohet se ka përfituar përmes rryshfetit një shumë prej 6 mijë eurosh për një vendim gjyqi nga tre persona, të cilët ia kanë dhënë nëpërmjet bashkëshortit të saj.

Margjeka, njihet dhe si gjyqtarja që nuk njohu zgjedhjet e 30 qershorit 2019, pasi nuk i dha në shkallën e parë mandatin kryebashkiakes së PS Valbona Sako, duke dalë kundër Rilindjes dhe kryeministrit Rama në kohë vettingu.

Kjo gjyqtare ishte e vetmja që konsideroi nul zgjedhjet e 30 Qershorit, në ndryshim nga të gjithë kolegët e saj në të gjitha bashkitë e tjera të vendit.

Gjithashtu, bashkë me Margjekën, është arrestuar dhe bashkëshorti i saj shtetasit Arben Cara, ish kreu i degës së PD-së në Vaun e Dejës, i dyshuar për kryerjen e veprës penale ?Korrupsioni pasiv i gjyqtarit, prokurorit dhe i funksionarëve të tjerë të organeve të drejtësisë?, në bashkëpunim, parashikuar nga neni 319/ç e 25 i Kodit Penal.

Asokohe, mosnjohja e zgjedhjeve nga gjyqtarja Margjeka bëri jo pak bujë, duke patur parasysh faktin që bashkëshorti i saj, ishte një militant i flaktë i PD-së, dhe se kjo gjë mund të kishte ndikuar në vendimin e saj. Ose më qartë, Margjeka nuk ka dashur të mërzisë bashkëshortin.

Madje, mediat asokohe, patën publikuar edhe fotot të bashkëshortit të gjyqtares, i cili shihej në çdo protestë të Partisë Demokratike.

Kujtojmë se kryetari i Partisë Demokratike Lulzim Basha foli me superlativa për gjyqtaren Margjeka, teksa deklaroi se i ka shërbyer shtetit të së drejtës me kurajo dhe ndërgjegje.

?Dua të përshëndes vendimin e Gjykatës së Durrësit, i cili sjell shpresë se në këtë vend ka gjyqtarë e gjyqtare që e kanë të shenjtë Kushtetutën dhe ligjin, se ka shërbyes civilë me kurajo dhe ndërgjegje që i shërbejnë shtetit të së drejtës dhe jo shtetit partiak?, u shpreh Basha.

Nga ana tjetër, Taulant Balla i PS-së e sulmoi, duke thënë se ka vendimi i saj ishte lajthitjeje anti-ligjore dhe anti-logjike. Balla shprehu keqardhje për Margjekën, pasi pretendonte se ka humbur rrugën e arsyes./ CNA.al