web counter
LEXO PA REKLAMA!

SHKARKO APP

App Store
Google Play

Pasojat e Covid-19/ Falimentojnë shtëpitë publike

8 Shtator 2020, 21:03, Aktualitet CNA

Pandemia e koronavirusit ka prekur një sërë fushash dhe biznesesh duke dëmtuar rëndë ekonominë botërore.

Një sektor që është prekur rëndë nga koronavirusi janë edhe shtëpitë publike, pasi ka shkaktuar pasoja te bordellot dhe te punonjëset e seksit.

Mediat ndërkombëtare kanë njoftuar se disa shtëpi publike kanë shpallur falimentimin, duke qenë se aktiviteti i tyre është pezulluar prej disa muajsh.

Vetëm javën e kaluar, një nga bordellot më të mëdha në Evropë “Pascha” në Këln të Gjermanisë lajmëroi se ka falimentuar.

Shoqata profesionale për shërbime erotike dhe seksuale ka kritikuar prej kohësh ndalimin profesional për këtë sektor.

Shoqata tha se ndalimi i aktivitetit i ka shtyrë punonjësit e seksit të punojnë ilegalisht dhe të ndërmarrin rreziqe më të mëdha shëndetësore sesa po të ishin në punë. Shoqata deklaroi se kompanitë po rrezikojnë ekzistencën e tyre.

Ndërkohë, media tagesschau.de deklaron se është marrë vendimi që të rihapen shtëpitë publike në shtatë shtete në Gjermaninë veriore.

Nga 15 shtatori shtëpitë publike do të rifillojnë punën me disa kushte, goja dhe hunda duhet të mbulohen gjatë aktit seksual, takimet duhet të rezervohen me shkrim dhe të dhënat e kontaktit të klientit duhet të regjistrohen.

Gjithashtu nuk do të lejohet të kryhet prostitucion në automjete dhe nuk do të lejohet alkooli./ CNA.al





Lajmet e fundit nga