web counter
LEXO PA REKLAMA!

SHKARKO APP

App Store
Google Play

E fundit!

x

Nard Ndoka optimist: Besoj tek koalicioni i madh opozitar

8 Shtator 2020, 11:04, Aktualitet CNA

Kreu i PDK, Nard Ndoka ka bërë një deklaratë për mediat ditën e sotme, ku është shprehur se po ndjek me vëmendje të gjithë procesin politik në Shqipëri.

“Së pari opozita e bashkuar i ka të gjitha skemat e duhura. Jemi për koalicionin klasik. Nuk i ndryshojmë në çdo lloj marrie që kemi përballë. Po e ndjekim me shumë vëmendje procesin. Ky nuk e ka luksin për të bërë Padrinon e Shqipërisë pasi do të përballet me revolta qytetare dhe jo vetëm me PD-në” – tha Ndoka.

Gjithashtu ai ka shprehur bindjen tek koalicioni i madh i opozitës së bashkuar dhe hedh një propozim që partitë e vogla të aplikojnë lista 100% të hapura ndërsa për dy partitë e mëdha të jetë me dy të tretën.

“Sot ky personazh thotë nuk është e mirë dhe do e ndryshojmë. Nuk është Rama që vendos për ndryshimin e lojës për të gjthë palët në zgjedhje. Unë shpresoj që Rama do ti kthehet logjikës politike, njerëzore dhe garantit të faktorit ndërkombëtar. Listat janë miratuar tashmë me kushtetutë, është bërë hap pozitiv. Duhet vendosur me konsensus se si të hapen listat. Pavarësisht listave të hapura, Rama do i zgjedh sërish kandidatët. Ky është një element që duhet të diskutohet. Nuk është problem tek barazia gjinore. Ne duhet të shohim dhe produktin e listave të hapura. Nuk do na sjellin demokracinë ato. Do të ishte normale që ato parti të kenë 100 përqind listën e hapur tu jepet kjo mundësi. Për dy partitë kryesore të ketë një formulë tjetër siç është përcaktuar dhe në Kushtetutë” – deklaroi Ndoka./CNA.al





Lajmet e fundit nga