web counter
LEXO PA REKLAMA!

SHKARKO APP

App Store
Google Play

"Do të bëjmë maksimumin për të fituar"/ PS kërkon mandatin e tretë

8 Shtator 2020, 08:01, Aktualitet CNA

Deputeti i PS, Ervin Bushati ka komentuar lidhur me çështjen e datës së zgjedhjeve, që u dekretua nga Presidenti Meta.

Bushati në emisionin ?ABC e Mëngjesit? u shpreh i bindur se partia e tij do të fitojë zgjedhjet dhe deklaroi se nuk ka kritika për datën e vendosur në 25 prill për zgjedhjet e ardhshme parlamentare.

Ai shtoi faktin se sistem perfekt nuk ka, por mjafton që gjithcka të jetë brenda Kushtetutës dhe ligjeve.

?Shqiptarët flasin shumë për politikë gjatë katër viteve dhe të vetmen ditë do të ishte mirë të flasin me votë. Shqiptarët marrin pjesë pasivisht në zgjedhje në nivele 75%. Ata që janë emigrantë mund të jenë më pranë progresit, në shumicën e rasteve emigrantët kanë qenë pro PS-së?, tha Bushati.

Sipas tij, Partia Socialiste do të bëj të maksimumin për të fituar pavarësisht se kundërshtari i tyre politik është relativisht i dobët.

?PS ka qenë historikisht forca e parë politike. Ka qenë dhe do të jetë. Ai që ka partinë më të madhe merr numrin më të madh të votave. Në çdo rast Edi Rama do të jetë pretendenti i parë për të formuar koalicion. Në 2017 morëm 74 deputetë dhe target-i jonë është për më shumë. Ne nuk orientohemi se sa i dobët është kundërshtari, do të bëjmë maksimumin për të fituar?, përfundoi deputeti./CNA.al

 





Lajmet e fundit nga