E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

135 milionë euro dëm/ “Aktor” i fitoi nga Haxhinasto dhe Dervishaj

6 Shtator 2020, 09:59, Aktualitet CNA

Dje mediat raportuan se kompania greke ?Aktor? është larguar nga Shqipëria pa përfunduar ndërtimin e rrugës, Tiranë-Elbasan duke u dëbuar nga qeveria e cila më parë ka humbur një gjyq në arbitrazh në shumë 44 milionë euro, duke e çuar në gati 135 milionë euro shtesën totale të parave që ka marrë mbi kontratën fillestare.

Si qendron e vërteta

CNA.al ka mundur të mësojë se firma ?Aktor? ende nuk është larguar nga Shqipëria dhe nuk ka një prishje të njëanëshme të kontratës. Firma ?Aktor? është duke punuar në Ibë për stabilizimin e një rrëshkitje të ndodhur në dhjetor të vitit 2014 e cila i ka kushtuar shtetit shqiptar rreth 40 milionë euro, një shumë e madhe e cila ka ardhur si shtesë e projektit të investimit për shkak të ndryshimeve të bëra në projekt si propozime të ardhura nga firma.

Pra, nuk është zbatuar projekti fillestar i paraqitur dhe i kërkuar nga Drejtoria e Përgjithshme e Rrugëve, por është ndryshuar projekti me këshill teknik nga AKTOR, ku firma për ndryshimet ka përfituar para dhe nga ana tjetër ka dhe përgjegjësinë ligjore të paktën pas ndryshimeve të para të ndodhura ku ka kërkuar që të japë një zgjidhje tjetër teknike në këtë rrugë, por mesa duke pasojat janë me dhjetëra milionë euro.

Firma ?Aktor? nuk është larguar nga Shqipëria, ajo vazhdon punon dhe gjyqin e ka fituar për shkak të keq menaxhimit të projektit.

Megjithëse qeveria shqiptare duhet të ishte ajo që të fitonte në arbitrazh ka ndodhur e kundërta sepse ishte kjo kompani e cila ka propozuar ndryshime teknike të miratuara dhe ka kërkuar të mbajë dhe përgjegjësinë në raste problematike që do të shkaktoheshin dhe kjo ska ndodhur por ka marrë 30 milionë dollarë nga kontigjencat, 55 milionë nga shtesat dhe ndryshimet e projektit dhe së fundi 44 milionë euro.

Projektin e ndryshuan Ministrat e LSI

Devijimi i projektit fillestar shkaktoi një dëm me dhjetëra milionë euro i cili në fakt mban emrat e ministrave të LSI, Edmond Haxhinasto dhe Sokol Dervishaj, si dhe ish drejtorëve Alban Aliko dhe Majlinda Gjonaj të cilët ishin përgjegjës për rrugën Tiranë-Elbasan dhe ish drejtor i Rrugëve Dashamir Gjika.

?Aktor? ndodhet në Tiranë, vazhdon të punojë, ministrat e LSI vazhdojnë të livadhisin rrugëve së bashku me drejtorët që janë përgjegjës për një dëm dhjetëra milionë euro. Qeveria shqiptare humbi gjyqin 44 milionë euro, taksat e shqiptarëve paguajnë skandalet dhe korrupsionin 135 milionë dollarësh, papërgjegjshmërinë dhe abuzimet në detyrë e një tufe njerëzish të Ilir Metës që sot janë dhe kapacitete kryesore të presidentit të vendosur pas kryetares së LSI, Monika Kryemadhi si mundësi kandidatësh në krye të listave në qarqet kryesore të Shqipërisë. Banda e LSI në aksion./CNA.al