Kryeprokurori Çela i beson ish-rivales Fatjona Memçaj, postin e rëndësishëm

4 Shtator 2020, 14:57, Aktualitet CNA

Prokurori i Përgjithshëm Olsian Çela ka përzgjedhur kandidaturën për pozicionin e prokurorit ndërlidhës pranë Eurojust, Fatjona Memçaj, prokurore në Prokurorinë pranë Gjykatës së Apelit Tiranë.
Kujtojmë se Fatjona Memçaj ishte një ndër tre kandidatët që garonin për Prokuror të Përgjithshëm.

Përzgjedhja nga Prokurori i Përgjithshëm i kandidatit bëhet në referencë të nenit 4 të Marrëveshjes së Bashkëpunimit ndërmjet Republikës së Shqipërisë dhe Eurojust për caktimin e prokurorit ndërlidhës si dhe të ligjit nr. 97/2016 ?Për Organizimin dhe Funksionimin e Prokurorisë në Republikën e Shqipërisë?.
Prokurori i Përgjithshëm ka ndjekur të gjitha hapat e nevojshëm që kulmojnë me fazën finale të këtij procesi të rëndësishëm, përzgjedhjen e kandidatitpër pozicionin e prokurorit ndërlidhës për Shqipërinë pranë Eurojust.

Nga ana e Këshillit të Lartë të Pokurorisë, pas kërkesës së Prokurorit të Përgjithshëm është iniciuar procedura e komandimit të një prokurori në pozicion e prokurorit ndërlidhës pranë EUROJUST dhe u shpall fillimi i procedurave për shprehje interesi. Këshilli i Lartë të Prokurorisë i dërgoi Prokurorit të Përgjithshëm emrat e 2 kandidatëve që plotësonin kushtet për t?u komanduar si prokuror ndërlidhës pranë Eurojust, ndërmjet kandidaturave nga radhët e prokurorëve.
Kandidati i përzgjedhur do të komandohet sipas rregullimeve ligjore të brendshme nga Këshilli i Lartë i Prokurorisë për periudhën 2 vjet e 6 muaj.

Prokurori i Përgjithshëm vlerëson angazhimin e deritanishëm të institucioneve të përfshira në këtë proces me qëllim finalizimin me sukses të procedurave lidhur me komandimin e prokurorit ndërlidhës pranë Eurojust./CNA.al