web counter
LEXO PA REKLAMA!

SHKARKO APP

App Store
Google Play

Aida Hajnaj merr detyrën e drejtueses së BKH/ Ambasada e SHBA mesazh të fortë

1 Shtator 2020, 06:35, Aktualitet CNA

Ambasada e SHBA në Tiranë vijon të përcjellë mesazhe të forta, në mbështetje të Reformës në Drejtësi.

Ndërsa sot Aida Hajnaj merr detyrën e drejtueses së Byrosë Kombëtare të Hetimit, ambasada e SHBA e cilëson këtë si një hap më tej drejt drejtësisë që shqiptarët kërkojnë dhe meritojnë.

?Sot, zj. Aida Hajnaj, merr detyrën si drejtuesja e parë e Byrosë Kombëtare të Hetimit. Ky është një gur i rëndësishëm kilometrik, jo vetëm për sistemin shqiptar të drejtësisë, por gjithashtu për gratë në role drejtuese.

Në përputhje me kërkesat e ligjit shqiptar, Hajnaj përfundoi një program trajnimi posacërisht të krijuar nga Programi Ndërkombëtar i Ndihmës së Trajnimit të Hetimit Kriminal (ICITAP) në Shqipëri, të fokusuar në procesin përzgjedhës të hetuesve të BKH, në etikën profesionale në BKH, në procedurat e disiplinës në BKH, në përdorimin e forcës dhe armëve të zjarrit nga BKH, rregulloren mbi përdorimin e poligrafit në BKH, në marrëdhëniet e BKH me Policinë e Shtetit dhe mbi rolin vëzhgues të Komisionit Ndërkombëtar të BKH.

Ne përgëzojmë Shqipërinë për marrjen e një hapi më tej drejt drejtësisë që shqiptarët kërkojnë dhe meritojnë.?-thuhet në mesazh./ CNA.al





Lajmet e fundit nga