E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

KLSH “nxjerr jashtë loje” IGJEUM-in/ Regjistroi vetëm 15 sekondat e para të tërmetit të nëntorit, s’ka rregullore

1 Shtator 2020, 11:55, Aktualitet CNA

Kontrolli i Lartë i Shtetit ka bërë një auditim lidhur me Institutin e Gjeoshkencave, Energjisë, Ujit dhe Mjedisit, për periudhën nga 21 janari deri në fund të muajit mars.

KLSH ka konstatuar se IGJEUM nuk ka rregullore për funksionimin e këtij institucioni dhe në tërmetin e 26 nëntorit janë regjistruar vetëm 15 sekondat e para. Shkak për mosregjistrimin e tërmetit është bërë shkëputja e ndërprerjes elektrike në stacionin e Durrësit.

Sipas këtij institucioni, IGJEUM nuk ka specialistë IT dhe strukturë të teknologjisë. IKMT pretendon se kështu krijohet një risk i lartë mbi identifikimin, trajtimin dhe zgjidhjen e problematikave të ndryshme të Teknologjisë së Informacionit.

?Mungesat e burimeve njerëzore rrit riskun e cenimit të monitorimit të plotë të aktivitetit sizmik, meteorologjik dhe hidrologjik në Institutin e Gjeoshkencave, Energjisë, Ujit dhe Mjedisit, pasi ky monitorim kryhet 24 orë pa ndërprerje. Cënimi i monitorimit të aktivitetit sizmik, mund të sjellë pasoja në jetë njerëzish dhe dëme materiale më të larta nga vlera e investimit për mirëmbajtjen e tyre?, thuhet në raport./ CNA.al