web counter
LEXO PA REKLAMA!

SHKARKO APP

App Store
Google Play

E fundit!

x

Spartak Ngjela zbulon synimin e ambasadores Yuri Kim në Shqipëri

10 Shtator 2020, 14:21, Aktualitet CNA

Avokati Spartak Ngjela ka reaguar lidhur me çështja shqiptare pas marrëveshjes së 4 shtatorit, ku u ndërmor një hap historik mes Kosovës dhe Serbisë.

Me anë të një statsusi në rrjetet sociale Ngjela tha se politika antishqiptare e Athinës dhe e Beogratit ka marrë udhën drejt kolapsit.

Ai shtoi se Shqipëria ka nevojë të drejtohet nga patriotizmi Shqiptar, dhe jo nga të shiturit që ia kalojnë stafetën njëri-tjetrit, një herë në tetë vjet.

?Ashtu sikurse jam shprehur, më datën 4 shtator, politika amerikane krijoi fundosje interesash. Kjo ishte marrëveshja që u lidh në Uashington midis SHBA, Serbisë, dhe Kosovës: Ajo i tha Beogratit ose me Ne, ose me Moskën. Dhe e detyroi këtë të transferonte Ambasadën në Izrael, nga Telavivi në Jeruzalem. Kurse Izraeli ndërkaq njohu Kosovën nëpërmjet deklaratës së kryeministrit Benjamin Netanjahu. Ky detyrim, ishte kushti: kusht për Izraelin që të njihte Kosovën, dhe kusht për Beogradin që ta transferonte ambasadën nga Telavivi në Jeruzalem.? nënënvizoi ai.

Gjtihashtu theksoi se reagimi rus e goditi rëndë presidentin serb Vuçiç, prandaj sipas tij u detyrua të bënte marrveshjen.

?Pas kësaj do pritej reagimi Rus, i cili erdhi këto ditë dhe e goditi rëndë presidetin serb Vuçiç.

Por, Vuçiç, si një i trembur i falangave të Millosheviçit që është, nuk foli për dy apo tri ditë; derisa, më në fund, iu duk sikur e gjeti një zgjidhje: ai i tha politikës së Izraelit se ?nuk e transferoj Ambasadën e Serbisë në Jeruzalem, nëse Izareli njeh Kosovën. Kalama të tillë, nuk ka njohur historia botërore, ndoshta në 100 vjet. Por në esencë, kjo është psikika e koshiencës serbe: banditizëm anti-shqipëtar në 200 vjet, për të mbajtur në këmbë një shtet me territore të pushtuara.

Pyetja është: pas kësaj deklarate, çdo të bëjë Uashingtoni dhe Telavivi?? shkroi avokati Ngjela.

Avokati u shpreh se njohja e Kosovës nga Izraeli nuk është një rastësi, as fakti që kjo cështje doli si parësorë në politikën aktuale amerikane.

?Pse, juve, ju duket rastësi që njohja e Kosovës nga Izraeli del si parësore për politikën amerikane në Ballkanin Perëndimor? Pse, a nuk është politika Tramp ajo që e ka nxjerrë si primare politikën amerikane drejt Izraelit në aktivitetin e vet si president i Shteteve të Bashkuara?

Të gjitha këto na japin një gjykim të përgjithshëm se, Politika Amerikane, po e mbështet botën Shqipëtare në një formë të re në Ballkanin Perëndimor, ajo po e koncepton këtë botë, hapur, si një të tërë. Sepse, në këtë moment politik, janë në fermentim politik shqiptar dhe dy shtete të tjerë: Maqedonia e Veriut dhe Mali i zi. Sidomos, theksi shqiptar në Mal të Zi, kur, shqiptari Dritan Abazi me katër votat e tij në Parlament po i imponohet të gjithë politikës së Malit të Zi si kingmejkër, na jep të kuptuar se edhe Mali i Zi po shkon drejt historisë së tij reale, që është një shtet i formuar mbi pushtimin e territoreve shqiptare, dhe genocidit antishqiptar.? shtoi avokati.

Ai shtroi disa pyetje lidhur me faktin nëse bota shqiptare në Ballkanin Perëndimor ka ndonjë politikë të qartë për gjendjen në Ballkan.

?Po bota Shqiptare në Ballkanin Perëndimor, a ka një politikë të qartë për gjendjen në Ballkanin Perëndimor? Deri tani nuk ka një politikë të tillë, sepse sot, Tirana Politike nuk di ta drejtojë politikën Shqipëtare. Kjo është arsyeja që gjithkush po pret të fillojë reforma anti-korrupsion në qarqet e larta të politikës shqiptare. Dhe kjo është arsyeja që ambasadorja amerikane në Tiranë, Yuri Kim, goditi sot pengesën që politika aktuale Shqipëtare po i bën ngritjes së Byrosë Kombëtare të Hetimit. Të gjithë shqiptarët që mendojnë poiltikisht drejt, janë duke pritur Byronë Kombëtare të Hetimit dhe ndërhyrjet drastikë të ambasadores amerikane në Tiranë. Dhe Yuri Kim, sigurisht që do ta vijojë me sukses rrugën e saj për ta nxjerrë Shqipërinë nga llumi i korrupsionit.? përfundoi avokati./ CNA.al





Lajmet e fundit nga