web counter
LEXO PA REKLAMA!

SHKARKO APP

App Store
Google Play

E fundit!

x

U arrestua për korrupsion/ Drejtoria e Tatimeve shkarkon nga detyra inspektorin Trungu

10 Shtator 2020, 16:04, Aktualitet CNA

Drejtoria e Tatimeve ka shkarkuar sot nga detyra inspektorin Erjon Trungu, i cili u arrestua nga policia për korrupsion dhe shpërdorim detyre.

Drejtoria e Tatimeve deklaron se mbështet operacionin ?Tatimori?, të ndërmarrë nga Policia e Tiranës.

Drejtoria e Përgjithshme deklaron se ka vendosur të mbështesë ?do veprimtari të Policisë së Shtetit në luftën kundër korrupsionit dhe evazionit fiscal, ndaj thekson se ka marrë masat e nevojshme administrative për largimin e menjëhershëm të inspektorit nga detyra.

?Drejtoria e Përgjithshme e Tatimeve dëshiron të ritheksojë angazhimin e saj në garantimin e një shërbimi të ndershëm dhe transparent, si dhe të sigurojë  ndërtimin e një administrate publike funksionale bashkëkohore në funksion të të gjithë tatimpaguesve, vendit dhe shoqërisë shqiptare.

DPT do të vazhdojë të jetë e angazhuar maksimalisht deri në pastrimin e të gjithë figurave të cilat ushtrojnë funksione publike dhe abuzojnë me to në kurriz të biznesit dhe qytetarëve shqiptarë.

Ftojmë të gjithë tatimpaguesit dhe qytetarët të denoncojnë ?do veprim korruptiv të strukturave të Administratës Tatimore në të gjitha nivelet?, thuhet në deklaratën e Drejtorisë së Përgjithshme të Tatimeve.

Ndërkohë, kujtojmë se Trungu i kërkonte dhe i merrte shuma të konsiderueshme monetare subjekteve të ndryshme private, si këmbim për të mos i hetuar dhe mos i referuar në prokurori, kur këto subjekte konstatoheshin në shkelje.

Gjatë operacionit, në cilësinë e provës materiale u sekuestrua shuma monetare prej 5000 eurosh, të cilën ky shtetas ia kishte marrë administratorit të një subjekti privat./ CNA.al





Lajmet e fundit nga