Pranga për komisionerët/ LSI pesëfishoi votat në kutitë e Shijakut

28 Korrik 2020, 20:57, Politikë CNA

Me kërkesë të SPAK, Gjykata e Posaçme ka lëshur 22 urdhër-arreste, në lidhje me dosjen e bujshme ?339?, e cila ka të bëjë me vjedhjen e votave, laboratorin e kokainës në Has dhe një sërë çështjesh të tjera.

11 persona hynë në burg, 8 ndodhen në arrest shtëpie, ndërsa tre të tjerë në detyrim paraqitjeje. Prokurorët e SPAK dolën në terren duke u bazuar në audio-përgjimet e regjistruara dhe u bazuan në 3 qendra votimi, konkretisht te ato me numër 1508, 1335 dhe 1336.

Sipas SPAK, 52 persona të cilët nuk rezultonin në Shqipëri kishin hedhur votën në kuti në këto tre qendra. Duke u nisur nga ky fakt, SPAK doli në përfundimin se komisionerët janë dakordësuar të lejojnë votimin e personave që ndodheshin jashtë kufijve të Shqipërisë. Një prej forcave politike ka pasur kontroll mbi komisionerët, të cilët kanë kryer shkelje ligjore.

Përkatësia dhe balancat politike të komisionerëve si dhe rezultati zgjedhor krahasuar me zgjedhjet pararendëse, ato të vitit 2013, janë dy elementët për të kuptuar se kush parti fshihej pas abuzimit. Vihet re se komisionerët që ndodheshin në këto tre qendra votimi janë nga 4 parti dhe më së shumti nga koalicioni opozitar.

Nga 21 komisionerë, 14 i përkasin Partisë Demokratike, Lëvizjes Socialiste për Integrim dhe Partisë Republikane ndërsa 7 të tjerë janë të Partisë Socialiste. Duke krahasuar rezultatet e vitit 2013 me ato të 2017-ës, PS ka marrë 13 vota më shumë, pasi nga 478 ka shkuar në 491, PD 38 vota më shumë, nga 234 në 272 dhe LSI 111 vota më shumë, nga 24 në 135. Në QV 1508 PS rezulton të ketë rënie në numër votash ashtu sikurse PD ka rënie në QV 1335.

Vihet re se LSI ka një rritje shumë të madhe të votave në krahasim me partitë e tjera. Kështu që dilet në konkluzionin se komisionerët ishin nën ndikimin e LSI-së dhe ka qenë kjo parti ajo që ka kryer krim zgjedhor në këto tre qendra votimi, pasi ka pesëfishuar votat. Duket qartë se LSI që bërtet për vjedhjen e votave dhe dogji edhe mandatet me këtë pretekst, ka pasur gisht dhe ka qenë ajo vetë partia vjedhëse.

478 vota në zgjedhjet 2013

491 vota në zgjedhjet 2017

Rritja me 13 vota

234 vota në zgjedhjet 2013

272 vota në zgjedhjet

2017 Rritja me 38 vota

24 vota në zgjedhjet 2013

135 vota në zgjedhjet 2017

Rritja me 111 vota/ CNA.al