LEXO PA REKLAMA!

SHKARKO APP

“Rama kërkon të prishë marrëveshjen e 5 qershorit”/ Bylykbashi: Të mos preket Kushtetuta

28 Korrik 2020, 13:30, Politikë CNA

Përfaqësuesi i PD-së në Këshillin Politik për Reformën Zgjedhore, Oerd Bylykbashi ka vijuar sërish sot të akuzojë kryeministrin Edi Rama se sipas tij kërkon të prishë marrëveshjen e 5 qershorit.

Në një deklaratë për mediat, Bylykbashi tha se opozita jashtëparlamentare kërkon hapjen 100% të listave dhe mos prekjen e koalicioneve parazgjedhore.

?E bëmë të qartë se këto janë veprime që do të prishin marrëveshjen e 5 qershorit. Ne propozuam të hiqet dorë nga ndryshimet e njëanshme. Të hartojmë një amandament me ekspertët ndërkombëtarë për hapjen e listave pa prekur Kushtetutën.

Ndryshim i Kushtetutës dhe Kodi Zgjedhor të jenë bashkë dhe ti çohen parlamentit në mënyrë që të jetë i qartë.

Modeli i koalicioneve që kemi nuk ka prodhuar asnjë lloj krize. Nuk ka asnjë rekomanim nga OSBE as Venecia. Është vetëm një lojë e Ramës përpara zgjedhjeve?-tha Bylykbashi./ CNA.al

Lajmet e fundit nga