web counter
LEXO PA REKLAMA!

SHKARKO APP

App Store
Google Play

Po komisionerëve kush ua kërkoi të lejonin votimin e shumëfishtë?

28 Korrik 2020, 12:24, Politikë CNA

Nga Mentor Kikia

* 22 komisionerë të qendrave të votimit në Shijak, të PS, PD dhe LSI u arrestuan. Ata kanë lejuar, sikurse shprehet prokuroria, me vullnetin e tyre, pra jo se janë mashtruar, që disa persona të votojnë për disa dhjetra qytetarë shqiptarë që nuk kanë qenë fare në Shqipëri ditën e zgjedhjeve. Pra, bëhet fjalë për emigrantët.

Ajo që ka ndodhur në zgjedhje është një gjë krejt e rëndomtë. Përherë ?kanë votuar? njerëz që nuk kanë qenë në Shqipëri, ose që kanë qenë por nuk kanë dashur të votojnë, apo edhe njerëz që janë nën tokë prej kohësh. Ky lloj votimit ka qenë një prej mënyrave përmes të cilave janë manipuluar zgjedhjet në mënyrë sistematike.

Por e pazakonta është se këta komisioinertet tani janë nën hetim, ca në burg e ca në shtëpi. Më në fund ai që ndikon në vjedhjen e pushtetit, përmes manipulimit të votës, do të përgjigjet penalisht. Kjo është kthesa e madhe në drejtësi.

Unë e konsideroj vjedhjen e votës, apo vjedhjen e pushtetit, krimin më të rëndë. Sepse nga këtu burojnë shumë forma të korrupsionit dhe krimit ordiner e të organizuar. Ai që të ndihmon të vish në pushtet në këtë mënyrë, nesër të detyron ta favorizosh në para, në tendera, në PPP, në aktivitete kriminale etj etj.
Kështuqë arrestimet duhen vetëm përshëndetur.

Por unë kam edhe një pyetje: Këta komisionerët, me kokën e tyre i lejuan ata votuesit që u paraqiten në qendrat e votimit nga 4-5 herë, duke votuar një herë si Kasemi që është në Gjermani, e njëherë si Nuriu që është në Francë? Si ata që votuan, si ata që i lejuan, përse e bënë këtë punë? Për hobi? Padyshim që jo. E bënë se ua kërkoi partia e tyre, kundrejt parave apo favoreve të tjera.

Ndaj ndëshkimi nuk duhet të mbetet vetëm tek ky nivel, për ti shkruar të keqes deri në fund./ CNA.al





Lajmet e fundit nga