LEXO PA REKLAMA!

SHKARKO APP

“Tjetër gjë pritej nga SPAK”/ Manjani: Me arrestime komisionerësh nuk kemi gjë në terezi

28 Korrik 2020, 13:39, Politikë CNA

Ish ministri i Drejtësisë, Ylli Manjani thotë se thuajse pas ccdo palë zgjedhjesh, Prokuroria ka arrestuar komisionerë.

Sipas tij, vjedha e zgjedhjeve jo vetëm nuk u ndal por u thellua më tej, nga zgjedhjet në zgjedhje. Më tej, Manjani thekson se me arrestime komisionerësh nuk kemi gjë në terezi.

?Thuajse pas çdo palë zgjedhjesh, Prokuroria (para SPAK) ka arrestuar komisionerë. Bëni një google nëse keni harruar. Aty do tu dalin arrestime të mëparshme komisionerësh në Shkodër, Lezhë, Tiranë, Durrës, Fier e gjetkë. Gjenden dhe në anglisht këto informacione. Gjithmonë është thënë që “shumë mirë se do ndalet vjedhja në zgjedhjet që vijnë…” Por vjedha e zgjedhjeve jo vetëm nuk u ndal por u thellua më tej, nga zgjedhjet në zgjedhje. Ndaj me arrestime komisionerësh nuk kemi gjë në terezi. Tjetër gjë pritej nga SPAK, jo thjesht rutinën që e ka bërë më parë ajo “drejtësia e korruptuar”… Siç kemi thënë #gurgurbëhetmullar#?, shkruan Manjani./CNA.al

Lajmet e fundit nga