LEXO PA REKLAMA!

SHKARKO APP

Mjeku Ilir Allkja/ Mos u merrni vetëm me dhimbjet e politikanëve, ata na kanë bërë të vuajmë

28 Korrik 2020, 15:06, Politikë CNA

Mjeku në Urgjencën e QSUT-së Ilir Allkja, ka reaguar pas lajmeve të infektimit me koronavirus të disa politikanëve, përfshirë këtu edhe kryebashkiakun e Tiranës Erion Veliaj.

Allkja kritikon mediat që shkruajnë lajme për vuajtjet e politikanëve të infektuar, të cilët i quan delenxhinj.

Ai deklaron se nuk duhet pasur kaq shumë dhembshuri për ata që janë shkaktarë të vuajtjeve të popullit.

?Çdo ditë të punës time shoqëroj të sëmurë të dyshuar apo të konfirmuar me COVID-19, të cilët mbeten anonimë, bashkë me vuajtjet e tyre. Infektohet një deputet, pushtetar politikan , çahen mediat ! I trajtojnë me delikatesë, i glorifikojnë, madje na tregojnë sa herë u djersitën, sa herë u teshtitën, u përmorën apo u përlotën, ndërkohë që për dhimbjet, vështirësitë e pamundësitë e ne popullit asnjë rresht .

Përse kjo ndjeshmëri ndaj atyre që i kanë sjellë kaq shumë vuajtje këtij populli dhe e lanë kaq prapa vendin tonë! Kur gazetarët do të abandonojnë delenxhinjtë e do të përkrahin të dobëtit ??? A duhet të kemi shpresë se do të ketë humanizëm e qytetari në media ?!?, shkruan mjeku në rrjetet sociale./ CNA.al

Lajmet e fundit nga