LEXO PA REKLAMA!

SHKARKO APP

Berisha ia thotë troç Ramës/ “Jep dorëheqjen, mund të shmangësh përplasjen”

22 Qershor 2020, 19:15, Politikë CNA

“Rama ka vetëm një rrugë për të shmangur një përplasje, të japë dorëheqjen.”

Kështu deklaroi pak minuta më parë ish-kryeministri Sali Berisha, i cili kërkoi që kryeministri aktual Edi Rama të japë dorëheqjen.

Berisha komentoi sërish deklaratat e eurodeputetit David Lega dhe tha se ky ishte një gjykim pa apel për Ramën.

“Është e jashtëzakonshme. Në dimrin e vitit 2002 nga po ky komision ishin të ftuar qeveria dhe opozita. Kishte ndodh kjo vetëm në vitin 1993 me komandatin Ahmed Masud. Tani gjykimin e bën pa palë dhe lëshuan verdiktin, deklaratat. Ata i marrin të mirëfillta ato që kanë thanë aty. Kësaj rradhe është një gjykim pa apel. Nuk i dhanë mundësi mbrojtje siç ia dhanë Fatos Nanos që ishte aty i pranishëm.

Përsëri narkoshteti. Deklarata e David Legë se qeveria tregohet më e ashpër me gazetarët dhe e butë me trafikantët, tregon gjithçka. Të themi të vërtetën, nëse Rama do të kishte një nonagram shqiptari ai nesër duhet të japë dorëheqjen”, theksoi ish-kreu i qeverisë në Syri Tv./ CNA.al

Lajmet e fundit nga